שְׁגַר אֲלָפֶיךָ

די אחראים: אחראי, גבאי ביהמד

וללמוד אני צריך
שר חמישים ומאתים
תגובות: 259
זיך איינגעשריבען אום: מיטוואך מארטש 21, 2018 12:28 am

שְׁגַר אֲלָפֶיךָ

תגובהדורך וללמוד אני צריך » דאנארשטאג יולי 29, 2021 11:59 am

בס"ד

וואס איז טייטש "אלפיך"? תרגום אונקלוס, יונתן און רש"י טייטשן: רינדער - אקסן/קיען. אין כל התורה כולה ווערן רינדער, אקסן און קיען אנגערופן בקר, שור און פר. מיר טרעפן נישט אין ערגעץ אין די תורה זאל אנרופן אקסן און קיען "אלפיך"? מאי שנא הכא אז די פסוק רופט עס אָן "אלפיך"?

דער שורש פון דעם ווארט "אלפיך" איז "אלף" אזוי ווי דאס ערשטע אות פון די כ"ב אותיות התורה. אין אנדערע ווערטער דער אות "אלף" האט עטליכע טייטשן.

אין ספר השרשים לרד"ק, רכענט ער אויס 5 טייטשן פאר "אלף".

א) אֶלֶף - טויזענט, ווי עס שטייט אין פסוק: "אֶלֶף למטה" (במדבר לא ד).

ב) אַלּוּף - א הער/קעניג (סנהדרין דף צט:), "אַלּוּפִי ומידעי" (תהלים נה יד). (די וא"ו איז די נקודה, נישט פון דעם עצם ווארט)

ג) אַלֶּף - לערנען, ווי עס שטייט אין פסוק: "וַ ֽאֲאַלֶּפְךָ חכמה" (איוב לג לג), און אין די גמרא אלף בינה (שבת קד.).

ד) אֲלָף - אקס/קי, ווי עס שטייט אין פסוק: שְׁגַר אֲלָפֶיךָ (דברים ז יג)

ה) אַלּוּף - אויסדערוועלט, ווי עס שטייט "ככבש אַלּוּף יובל לטבוח" (ירמיהו יא יט), תרגם יונתן טייטשט: "כאימר בחיר"

אונז וועלן מוסיף זיין נאך צוויי:

ו) אלף - ערשט/ערשטע, ווי עס שטייט אין מסכת מנחות (משנה ח פרק ג), "תקועה, אלפא לשמן" און דער רע"ב איז מסביר: השמן שלה ראשון ומובחר לשמנים. כאל"ף זו שהיא ראשונה לאותיות [ס'קען אבער זיין אז דאס איז די זעלבע ווי אַלּוּף - אויסדערוועלט, ער נוצט פשוט צוויי לשונות צו זאגן אז די אויל איז דאס בעסטע].

ז) אַלָּף - לְיַסְּרֶךָּ [וואס פונקטליך מיינט לְיַסְּרֶךָּ? שטרענגע דיבורים אדער יסורים] , ווי עס שטייט אין פסוק: מִן הַשָּׁמַיִם הִשְׁמִיעֲךָ אֶת קֹלוֹ לְיַסְּרֶךָּ" וכו' און תרגם אונקלוס טייטשט: מִן שְׁמַיּא אַשְׁמְעָךְ יָת קָל מֵימְרֵיהּ "לְאַלָּפוּתָךְ". [ס'קען אבער זיין אז דאס איז די זעלבע ווי אַלֶּּף - לערנען. דער רבוש"ע האט דיר געגעבן יסורים, דיר אויסצולערנען].

אין אבן עזרא אויפן פלאץ שטייט אַן אינטרעסאטע זאך בשם גדול ספרדי אחד: אז די טאג איז איינגעטיילט אין 12 מזלות. די מזל פון שעה הזריחה, די ערשטע שעה אין טאג איז מזל שור און דאס איז א גאר א גוטע און שטארקע מזל. וועגן דעם רופט מען אקס "אלף" ווייל "אלף" מיינט דאס ערשטע (ו). די ערשטע שעה אין טאג וואס דעמאלס איז שולט דאס בעסטע מזל שור.

קומט אויס אז טייטש (ד) אֲלָף - אקס/קי, (ו) אלף - ערשט/ערשטע און (ה) אַלּוּף - אויסדערוועלט איז אלעס איינס. יעצט איז שוין פארענפערט פארוואס פונקט דא שטייט "אֲלָפֶיךָ" און נישט בקר,שור און פר ווייל די תורה וויל דא געבן די גרעסטע און די שטערקסטע ברכה נוצט די תורה "אֲלָפֶיךָ" וואס מיינט די 1) ערשטע, 2) אויסדערוועלטע, 3) גוט מזל פון שעה הזריחה.

__

רבי מאיר שמחה הכהן פון דווינסק, אין זיין ספר 'משך חכמה' שרייבט גאר אז "אֲלָפֶיךָ" מיינט (ג) אַלֶּף - לערנען. ער זאגט אז וויבאלד מ'לערענט ארויס דינים פון די פרים און שורים וואס יעקב אבינו האט געשיקט פאר א מתנה צו עשיו, וועגן דעם רופט מען א פר/שור - "אלף". קומט אויס אז די טייטש (ג) אַלֶּף - לערנען און (ד) אֲלָף - אקס/קי, איז איינס. קען זיין אז די תורה האט געוואלט מער ווי סתם א אקס - נאר אויך תורה דברים רוחנים.

__

אין די גמרא (מגילה ט.) "מעשה בתלמי המלך, שכינס שבעים ושנים זקנים והכניסן בשבעים ושנים בתים ולא גילה להם על מה כינסן, ונכנס אצל כל אחד ואחד ואמר להם כתבו לי תורת משה רבכם. נתן הקב"ה בלב כל אחד ואחד עצה והסכימו כולן לדעת אחת, וכתבו לו (בראשית א, כז) אלקים ברא בראשית". איז שווער, פארוואס האט די תורה לכתחילה נישט געשריבן אלקים ברא בראשית? עס זאל נישט זיין קיין מקום לטעות? נאך מער די תורה וואלט זיך דעמאלס געקענט אנהויבן מיט אות "אלף" שהיא ראשונה לאותיות, אנשטאט "בית" וואס איז די צווייטע אות פון די כ"ב אותיות התורה.

נאר קען זיין ווייל "אלקים" איז "דין" און די תורה האט נישט געוואלט אנהויבן מיט דאס ווארט "אלקים" די ווי עס שטייט אין רש"י (בראשית א א) "ולא אמר בָּרָא ה'. שבתחילה עלה במחשבה לברואתו במידת הדין; ראה שאין העולם מתקיים, הקדים מידת רחמים ושיתפה למידת הדין. נאכמער, וויבאלד ס'איז נאר געווען עלה במחשבה און נישט בפועל האט די תורה נישט געוואלט שרייבן "אלקים ברא בראשית" ווייל צום סוף איז דאס נישט צושטאנד געקומען אויף למעשה.

אלף - אלופו של עולם, איז "אלקים" וואס איז דין, דאס הייסט דער רבוש"ע פירט זיך ווי אַן אדון - א מלך און מֶלֶךְ בְּמִשְׁפָּט יַעֲמִיד אָרֶץ. י-ה-ו-ה, און קל איז רחמים וואס איז לפנים משורת הדין, דער רבוש"ע איז מטה כלפי חסד. אלף איז אויך גימטריא אדון כל.

שטייט אין של"ה הקדוש אז די צדיקים איז יא דער רבוש"ע געבליבן מיט די ערשטע מחשבה און ער גייט מיט זיי מיט מדת הדין ווי עס ווערט געברענגט אין מסכת יבמות: כתיב "סביבותיו נשערה מאד", מלמד שהקב"ה מדקדק עם הצדיקים כחוט השערה. ביי צדיקים איז געבליבן דער אלף - אלופו של עולם בבחינת"אלקים".

וואו אימער יוסף הצדיק ווערט דערמאנט אין די תורה מיטן רבוש"ע שטייט עס מיט "אלקים" אנגעהויבן נאך ווען רחל האט געבעטן קינדער האט יעקב אבינו געזאגט "התחת אלקים אני" ביז "אלקים חשבה לטובה". חוץ ווען ער איז געווען בבית פוטיפר און אין תפיסה וואס קיין המקום להאריך פארוואס. ווען ער איז ארויסגעקומען האט ער שוין געזאגט פאר פרעה: ויען יוסף את פרעה לאמר "בלעדי אלקים יענה את שלום פרעה".

וכלכל אתכם בדין - כי יוסף הוא השליט על הארץ הוא המשביר לכל עם הארץ. יוסף הצדיק, האט זוכה געווען צו אלעס מן הדין און וועגן דעם זאגט משה רבינו: (דברים לג יז) "בכור שורו הדר לו". דער שור עסט מן הדין, ווי די גמרא זאגט (בבא מציעא כח:) כל דבר כל דבר שעושה ואוכל, יעשה ויאכל (ותניא בגמרא שם) כגון פרה וחמור. און ווי עס שטייט אין פסוק: (משלי יד ד) "רב תבואות בכח שור". דער שור ארבעט שווער און דאס עסן קומט זיך אים ערליך. ער ארבעט נאך אסאך מער ווי ער עסט. דאס איז יוסף הצדיק וואס האט זוכה געווען מן הדין און האט זוכה מכלכל צו זיין די גאנצע געגענט דורך זיין זכות אפילו די וואס זענען נישט זוכה מן הדין.

קומט אויס אויס אז די טייטש (ב) אַלּוּף - א הער/קעניג - דער מלך העלם - מלך במשפט יעמיד הארץ וואס איז די מדה פון (ד) אֲלָף – שור וואס איז מידת הדין, און (ה) אַלּוּף - אויסדערוועלט - דער מובחר - דער אלף - אלופו של עולם און ו) אלף - ערשט/ערשטע - דער קדמון לכל דבר אשר ניברא.

__

דער מספר "אֶלֶף" איז מדת היראה, "אֲלָפִים" איז מדת האהבה, ווי עס שטייט אין די גמרא: תניא רבי שמעון בן אלעזר אומר גדול העושה מאהבה יותר מן העושה מיראה שזה תלוי לְאֶלֶף דור וזה תלוי לאלפים דור, הכא כתיב (שמות כ, ה) לאלפים לאהבי ולשומרי מצותי והתם כתיב ולשומרי מצותיו לְאֶלֶף דור.

מלכות גייט דוקא מיט מדת היראה ווי שטייט אין די גמרא (כתובות יז.). "שׂוֹם תָשׂים עליך מלך" (דברים י"ז, טו) שתהא אֵימָתוֹ עליך.

קומט אויס אויס אז די טייטש פון א) אֶלֶף - טויזענט איז איז מדת היראה וואס וואס פעלט אויס צו מלכות (ב) אַלּוּף - א הער/קעניג - דער מלך העלם - מלך במשפט יעמיד הארץ וואס איז די מדה פון (ד) אֲלָף - שור וואס איז מידת הדין, און (ה) אַלּוּף - אויסדערוועלט - דער מובחר - דער אלף - אלופו של עולם און ו) אלף - ערשט/ערשטע - דער קדמון לכל דבר אשר ניברא.

__

אין זוהר הקדוש (ח"ג קעח, א) "כד ברא קוב”ה עלמא הוה אסתכל בה באורייתא וברא עלמא". קען זיין פשט ווי רש"י שבתחילה עלה במחשבה לברואתו במידת הדין; ראה שאין העולם מתקיים, הקדים מידת רחמים ושיתפה למידת הדין.

עלה במחשבה לברואתו במידת הדין - דאס איז אָן תורה אבער נאר מיט תורה שבעל פה. ראה שאין העולם מתקיים, הקדים מידת רחמים ושיתפה למידת הדין - דאס איז די תורה אדער נאר תורה שכתב ווי שוין געשריבן פאריגע וואך אז תורה שכתב איז כלו רחמים (תנחומא).

אלף דאס דער אלופו של עולם - דער תקיף ובעל היכולות [אלקים] האט האט זיך משתף געווען מיטן בית - די תורה וואס הייבט זיך אָן מיט "בית" - בראשית ברא - וואס איז רחמים. הקדים מידת רחמים - ס'שטייט קודם בראשית ברא און דערנאך הערשט אלקים.

ווי אזוי איז צוגעגאנגען די שותפות? אין די גמרא שבת (קד.) אמרי ליה רבנן לריב"ל אתו דרדקי האידנא לבי מדרשא ואמרו מילי דאפילו בימי יהושע בן נו"ן לא איתמר כוותייהו אל"ף בי"ת אלף בינה. רש"י: אלף בינה - למוד תורה! ווער האט אונז געלערענט די תרה הקדושה? דער רבוש"ע. אלף - אלף - אלופו של עולם האט מיט אונז געלערענט די תורה הקדושה און דורך דעם משתף געווען דעם מדת הדין מיט די מדת הרחמים לייגענדיג די רחמים ערשט. נישט קיין וואונדער רבי יהושע בן לוי האט געזאגט "אמרו מילי דאפילו בימי יהושע בן נו"ן לא איתמר" דאס איז דאך ממש ענינים פון קיים העולם.

קומט אויס אויס אז די טייטש (ב) אַלּוּף - א הער/קעניג - דער מלך העלם - מלך במשפט יעמיד הארץ וואס איז די מדה פון (ד) אֲלָף – שור וואס איז מידת הדין. וואלט ער איז געדארפט געבן (ז) אַלָּף לְיַסְּרֶךָּ - יסורים. אבער (ה) אַלּוּף - אויסדערוועלט - דער מובחר - דער אלף - אלופו של עולם און (ו) אלף - ערשט/ערשטע - דער קדמון לכל דבר אשר ניברא, האט כביכול גענומען א צווייטן וועג (ג) אַלֶּף - האט מיט אונז געלערענט די תורה הקדושה און משתף געווען דעם מדת הדין מיט די רחמים לייגענדיג די רחמים ערשט אזוי זענען מיר פיל מיט רחמים.

__

אוודאי איז אין מקרא יוצא מידי פשוטו "שְׁגַר אֲלָפֶיךָ" איז טייטש ווי רש"י טייטשט די קינדער פון די בהמות (אדער ווי יונתן טייטשט עיי"ש). אבער די תורה וואלט געקענט שרייבן "שגר בקריך". קען זיין אז דער רבוש"ע האט דא געוואלט אריינגלייגן נאך משמעות - נאך ברכות.

א) דעם אבן עזרא בשם גדול ספרדי אחד, אז "אֲלָפֶיךָ" גייט ארויף אויף דער מזל פון שעה הזריחה - מזל שור. דאס איז א גאר א גוטע און שטארקע מזל. דער רבוש"ע בענטשט די אידן מיט נאך א ברכה מיט די מזל וואס איז שולט בשעת זריחת השמש.

ב) ווי עס שטייט אין משך חכמה, אז ס'מיינט לערנען - מ'לערענט ארויס הלכות. דער רבוש"ע בענטשט די אידן מיט נאך א ברכה מיט מיט לימוד התורה און ידיעות התורה. שגר - מיינט די תולדות די חידושי התורה.

ג) "שְׁגַר אֲלָפֶיךָ" די תולדות פונעם אלף, דהיינו וואס קומט נאכן "אלף" דאס איז דער "בית" דאס איז דער בינה - תורה. דער אלופן של עולם - דער א"ב הרחמן בענטשט אונז מיט אהבה -מיט רחמים.

אויפן פסוק (שמות יג, יב) "וכל פטר שגר בהמה" זאגט רש"י: נֵפֶל, ששגרתו אמו ושלחתו בלא עתו. די נפלים - די נישט צדיקים וועט זיין "שְׁגַר אֲלָפֶיךָ" - א-ל שד-י יתן לכם רחמים.
פארט איר קיין ארץ ישראל? פארגעסט נישט מיט צונעמען דעם ספר קברי רבותינו

מצלמה
שר האלף
תגובות: 1347
זיך איינגעשריבען אום: זונטאג ינואר 25, 2015 7:37 pm

Re: שְׁגַר אֲלָפֶיךָ

תגובהדורך מצלמה » דאנארשטאג יולי 29, 2021 12:04 pm

אלפא (ערשטע) איז גריכיש אלפא (גרויסער/ערשטער) (ערשטע פון אלפאבעט). (ALPHA MALE)
וואס קומט משורשו פון אלף-בית די ערשטע פון די אלף בית.

אוועטאר
farshlufen
שר עשרים אלפים
תגובות: 27733
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

Re: שְׁגַר אֲלָפֶיךָ

תגובהדורך farshlufen » דאנארשטאג יולי 29, 2021 12:10 pm

דער רד"ק איז גארנישט משמיט.

ה' און וי"ו איז היינו הך, וכן ג' און ז', ודו"ק.
זמירות יאמרו ותשבחות ישמיעו כי הוא לבדו בורא רפואות.

וללמוד אני צריך
שר חמישים ומאתים
תגובות: 259
זיך איינגעשריבען אום: מיטוואך מארטש 21, 2018 12:28 am

Re: שְׁגַר אֲלָפֶיךָ

תגובהדורך וללמוד אני צריך » דאנארשטאג יולי 29, 2021 12:16 pm

farshlufen האט געשריבן:דער רד"ק איז גארנישט משמיט.

ה' און וי"ו איז היינו הך, וכן ג' און ז', ודו"ק.


אין הכי נמי, מיר האבן געשריבן זייער ענליכס בסוגריים מרובעות.
פארט איר קיין ארץ ישראל? פארגעסט נישט מיט צונעמען דעם ספר קברי רבותינו

אוועטאר
גרשון
שר האלפיים
תגובות: 2920
זיך איינגעשריבען אום: מאנטאג פאברואר 18, 2019 11:01 pm

Re: שְׁגַר אֲלָפֶיךָ

תגובהדורך גרשון » דאנארשטאג יולי 29, 2021 1:33 pm

farshlufen האט געשריבן:דער רד"ק איז גארנישט משמיט.

ה' און וי"ו איז היינו הך, וכן ג' און ז', ודו"ק.

מ'טרעפט אויך "אלוף" אלס חבר, צב"ש "וְנִרְגָּן מַפְרִיד אַלּוּף" (משלי טז, כח). מסתמא האט עס אבער דער רד"ק פארטייטשט אלס אפצווייג פון הער.

"אלוף" אלס רינדער טרעפט מען מערערע מאל אין תנ"ך. (אין כתב עברי איז די צורה פונעם א' א קאפ פון אן אקס.)
מיט אזויפיל ביכער, אויסגאבעס, גליונות, בראשורן, קאמפיינס, און ווירטואלע ארטיקלען, וואקסט דער אידישער ליטעראטור ווי אויף הייוון. וואס וועט זיין מיט א אידישן ספעל טשעקער?

וללמוד אני צריך
שר חמישים ומאתים
תגובות: 259
זיך איינגעשריבען אום: מיטוואך מארטש 21, 2018 12:28 am

Re: שְׁגַר אֲלָפֶיךָ

תגובהדורך וללמוד אני צריך » דאנארשטאג יולי 29, 2021 2:07 pm

גרשון האט געשריבן:
farshlufen האט געשריבן:דער רד"ק איז גארנישט משמיט.

ה' און וי"ו איז היינו הך, וכן ג' און ז', ודו"ק.


"אלוף" אלס רינדער טרעפט מען מערערע מאל אין תנ"ך. (אין כתב עברי איז די צורה פונעם א' א קאפ פון אן אקס.)


איר האט א מקור דערצו?

א איד א שטארקע יודע ספר האט מיר געזאגט אז מ'טאר דאס נישט זאגן נאר אויב מ'טרעפט א מקור מוסמך. וויפל איך האב געזען איז דער גריכישער "אלפא" דומה צו א שור, אדער דעם ראש פונעם שור.
פארט איר קיין ארץ ישראל? פארגעסט נישט מיט צונעמען דעם ספר קברי רבותינו

אוועטאר
גרשון
שר האלפיים
תגובות: 2920
זיך איינגעשריבען אום: מאנטאג פאברואר 18, 2019 11:01 pm

Re: שְׁגַר אֲלָפֶיךָ

תגובהדורך גרשון » דאנארשטאג יולי 29, 2021 2:52 pm

וללמוד אני צריך האט געשריבן:איר האט א מקור דערצו?

א איד א שטארקע יודע ספר האט מיר געזאגט אז מ'טאר דאס נישט זאגן נאר אויב מ'טרעפט א מקור מוסמך. וויפל איך האב געזען איז דער גריכישער "אלפא" דומה צו א שור, אדער דעם ראש פונעם שור.

איך כאפ נישט פינקטליך וואס דו זאגסט. דער גריכישער אלפא קוקט נישט אויס ווי אן אקסן-קאפ, נאר ווי דער לאטיינישער (ענגלישער) A.

איך ווייס נישט פון קיין מקורות אין אונזערע ספרים דערצו, אבער אזוי איז אנגענומען אין דער חוקר'ישער וועלט. דאך אויב קוקסטו אינעם טעוועלע אונטן, וועסטו זען א סך צורות וואס שטימען מיט זייער נאמען אין לשון-קודש, צב"ש אלף-אקס, ואו-העקל, יוד-האנט, עין-אויג, ריש-קאפ, אא"וו.

דא האסטו בייגעלייגט צוויי בילדער. דער ערשטער איז פונעם פראטא-כנענ'ישן כתב, און דער צווייטער איז פון כתב עברי. ס'איז גאנץ מערקבאר די ענליכקייטן צווישן די צוויי כתבים.

1.png
1.png (18.24 KiB) געזעהן 1032 מאל

2.png
2.png (15.41 KiB) געזעהן 1032 מאל
מיט אזויפיל ביכער, אויסגאבעס, גליונות, בראשורן, קאמפיינס, און ווירטואלע ארטיקלען, וואקסט דער אידישער ליטעראטור ווי אויף הייוון. וואס וועט זיין מיט א אידישן ספעל טשעקער?

אוועטאר
גרשון
שר האלפיים
תגובות: 2920
זיך איינגעשריבען אום: מאנטאג פאברואר 18, 2019 11:01 pm

Re: שְׁגַר אֲלָפֶיךָ

תגובהדורך גרשון » דאנארשטאג יולי 29, 2021 3:11 pm

איך זע מ'האט זיך שוין אויסגעפראסקעט אינעם עבר איבער דעם ענין. זע די תגובה און ווייטער.
מיט אזויפיל ביכער, אויסגאבעס, גליונות, בראשורן, קאמפיינס, און ווירטואלע ארטיקלען, וואקסט דער אידישער ליטעראטור ווי אויף הייוון. וואס וועט זיין מיט א אידישן ספעל טשעקער?

פראהביטש
שר האלף
תגובות: 1364
זיך איינגעשריבען אום: דאנארשטאג יוני 15, 2017 7:01 pm

Re: שְׁגַר אֲלָפֶיךָ

תגובהדורך פראהביטש » דאנארשטאג יולי 29, 2021 6:08 pm

אלפיך. א לשון פון פלא...
https://www.torahanytime.com/#/lectures?v=158096
14:30

להודות
שר חמש מאות
תגובות: 705
זיך איינגעשריבען אום: זונטאג מארטש 27, 2016 5:02 pm

Re: שְׁגַר אֲלָפֶיךָ

תגובהדורך להודות » דאנארשטאג יולי 29, 2021 6:36 pm

דער רד"ק איז גארנישט משמיט.

דער ספר איז אויף לשה"ק פון תנ"ך און א ווארט פון אונקלוס אדער משנה (גריכיש) קומט נישט אריין, אפילו אויב עס איז א נייע טייטש.

veltsman
שר חמישים ומאתים
תגובות: 251
זיך איינגעשריבען אום: מאנטאג מארטש 03, 2014 8:48 pm

Re: שְׁגַר אֲלָפֶיךָ

תגובהדורך veltsman » פרייטאג יולי 30, 2021 12:14 am

די הייליגע זיידע רבי ר׳ מאיר׳ל מפרימישלאן זי״ע האט געטיישט:
הייליגער באשעפער ״שגר אלפיך״ שיק דיינע טויזענטער׳ס, ״ועשתרות צאנך״ מאך רייך דיינע שעיפעלעך.

וללמוד אני צריך
שר חמישים ומאתים
תגובות: 259
זיך איינגעשריבען אום: מיטוואך מארטש 21, 2018 12:28 am

Re: שְׁגַר אֲלָפֶיךָ

תגובהדורך וללמוד אני צריך » פרייטאג יולי 30, 2021 11:02 am

גרשון האט געשריבן:
וללמוד אני צריך האט געשריבן:איר האט א מקור דערצו?

א איד א שטארקע יודע ספר האט מיר געזאגט אז מ'טאר דאס נישט זאגן נאר אויב מ'טרעפט א מקור מוסמך. וויפל איך האב געזען איז דער גריכישער "אלפא" דומה צו א שור, אדער דעם ראש פונעם שור.

איך כאפ נישט פינקטליך וואס דו זאגסט. דער גריכישער אלפא קוקט נישט אויס ווי אן אקסן-קאפ, נאר ווי דער לאטיינישער (ענגלישער) A.

איך ווייס נישט פון קיין מקורות אין אונזערע ספרים דערצו, אבער אזוי איז אנגענומען אין דער חוקר'ישער וועלט. דאך אויב קוקסטו אינעם טעוועלע אונטן, וועסטו זען א סך צורות וואס שטימען מיט זייער נאמען אין לשון-קודש, צב"ש אלף-אקס, ואו-העקל, יוד-האנט, עין-אויג, ריש-קאפ, אא"וו.

דא האסטו בייגעלייגט צוויי בילדער. דער ערשטער איז פונעם פראטא-כנענ'ישן כתב, און דער צווייטער איז פון כתב עברי. ס'איז גאנץ מערקבאר די ענליכקייטן צווישן די צוויי כתבים.


[]


טאקע א טעות איך האב געמיינט צו שרייבן 'אלפבית פרוטו-כנעני' איז דומה לראש השור.
כ.PNG
כ.PNG (2.68 KiB) געזעהן 651 מאל
איך זעה אבער נישט די ענליכקייטן צווישן דעם 'כתב כנעני' צו כתב עברי.
ע.PNG
ע.PNG (1.59 KiB) געזעהן 651 מאל
אונזער ריכטיגע כתב וואס מיר האבן מקבל געווען משה מסיני איז כתב אשורת, אפשר עברי אויך. א פארוויקלטע סוגיא ועוד חזון.

וואס איך האב נאגעזאגט פונעם יודע ספר איז געווען צו ציען א שייכות מיט פון אונזער אל"ף - כתב אשורת צו די ערשטע אות פון כתב 'כתב כנעני'. יענץ איז טאקע דומה צו א ראש שור, אבער ס'איז נישט דא קיין מקור אז וועגן דעם הייסט אונזער ערשער אות - אל"ף ווייל איר צורה איז ווי אן אקס. טייטש דאס שטייט אין פסוקי התורה.
פארט איר קיין ארץ ישראל? פארגעסט נישט מיט צונעמען דעם ספר קברי רבותינו

וללמוד אני צריך
שר חמישים ומאתים
תגובות: 259
זיך איינגעשריבען אום: מיטוואך מארטש 21, 2018 12:28 am

Re: שְׁגַר אֲלָפֶיךָ

תגובהדורך וללמוד אני צריך » פרייטאג יולי 30, 2021 11:06 am

להודות האט געשריבן:
דער רד"ק איז גארנישט משמיט.

דער ספר איז אויף לשה"ק פון תנ"ך און א ווארט פון אונקלוס אדער משנה (גריכיש) קומט נישט אריין, אפילו אויב עס איז א נייע טייטש.



די תורה האט יא שייכת מיט לשון יווני און אוודאי מיט ארמי אומצאליגע ווערטער אין די תורה זענען לשון ארמי און געוויסע מיט אנדערע לשונות העמים. דא האט איר עטליכע גמרות ווי עס ווערט געברעגט לשון יווני און אנדערע אין פסוקי תנ"ך.

(שבת לא.), א"ר יוחנן משום ר' אלעזר אין לו להקב"ה בעולמו אלא יראת שמים בלבד שנאמר (דברים י, יב) ועתה ישראל מה ה' אלהיך שואל מעמך כי אם ליראה וגו' וכתיב (איוב כח, כח) ויאמר לאדם הן יראת ה' היא חכמה וגו' שכן בלשון יוני קורין לאחת הן תסתיים.

(סוכה לה.), ר' אבהו אמר אל תקרי הדר אלא הדר דבר שדר באילנו משנה לשנה בן עזאי אומר אל תקרי הדר אלא (אידור) שכן בלשון יווני קורין למים אידור ואיזו היא שגדל על כל מים הוי אומר זה אתרוג.

(מועד קטן כח), א"ר חנין מאי קרא (דברים לא, יד) הן קרבו ימיך למות הן חד קרבו תרי ימיך תרי הא חמשה הן חד שכן בלשון יוני קורין לאחת הן.

(סנהדרין ד:), ר"ע אומר אינו צריך טט בכתפי שתים פת באפריקי שתים.

דער של"ה הקדוש און ענליכס צו דעם שטייט אין חיד"א בשם גודלי המקובלים אז ביי בריאת שמים וארץ האבן אלע גערעדט נאר לשון הקודש און ביי דור הפלגה האט דער רבוש"ע אויסגעמישט אלע שפראכן, אבער אין עטליכע שפראכן איז איבערגעבליבן ווערטער פון לשון הקודש.

אויך א לאנגע סוגיא וואס פארלאנגט זיך מער קלארקייט.
פארט איר קיין ארץ ישראל? פארגעסט נישט מיט צונעמען דעם ספר קברי רבותינו

אוועטאר
Mezofzef
שר חמש מאות
תגובות: 669
זיך איינגעשריבען אום: מאנטאג אוגוסט 31, 2020 11:16 am

Re: שְׁגַר אֲלָפֶיךָ

תגובהדורך Mezofzef » פרייטאג יולי 30, 2021 11:10 am

וללמוד אני צריך האט געשריבן:
גרשון האט געשריבן:
וללמוד אני צריך האט געשריבן:איר האט א מקור דערצו?

א איד א שטארקע יודע ספר האט מיר געזאגט אז מ'טאר דאס נישט זאגן נאר אויב מ'טרעפט א מקור מוסמך. וויפל איך האב געזען איז דער גריכישער "אלפא" דומה צו א שור, אדער דעם ראש פונעם שור.

איך כאפ נישט פינקטליך וואס דו זאגסט. דער גריכישער אלפא קוקט נישט אויס ווי אן אקסן-קאפ, נאר ווי דער לאטיינישער (ענגלישער) A.

איך ווייס נישט פון קיין מקורות אין אונזערע ספרים דערצו, אבער אזוי איז אנגענומען אין דער חוקר'ישער וועלט. דאך אויב קוקסטו אינעם טעוועלע אונטן, וועסטו זען א סך צורות וואס שטימען מיט זייער נאמען אין לשון-קודש, צב"ש אלף-אקס, ואו-העקל, יוד-האנט, עין-אויג, ריש-קאפ, אא"וו.

דא האסטו בייגעלייגט צוויי בילדער. דער ערשטער איז פונעם פראטא-כנענ'ישן כתב, און דער צווייטער איז פון כתב עברי. ס'איז גאנץ מערקבאר די ענליכקייטן צווישן די צוויי כתבים.


[]


טאקע א טעות איך האב געמיינט צו שרייבן 'אלפבית פרוטו-כנעני' איז דומה לראש השור.
כ.PNG
איך זעה אבער נישט די ענליכקייטן צווישן דעם 'כתב כנעני' צו כתב עברי.
ע.PNG
אונזער ריכטיגע כתב וואס מיר האבן מקבל געווען משה מסיני איז כתב אשורת, אפשר עברי אויך. א פארוויקלטע סוגיא ועוד חזון.

וואס איך האב נאגעזאגט פונעם יודע ספר איז געווען צו ציען א שייכות מיט פון אונזער אל"ף - כתב אשורת צו די ערשטע אות פון כתב 'כתב כנעני'. יענץ איז טאקע דומה צו א ראש שור, אבער ס'איז נישט דא קיין מקור אז וועגן דעם הייסט אונזער ערשער אות - אל"ף ווייל איר צורה איז ווי אן אקס. טייטש דאס שטייט אין פסוקי התורה.

מחלוקת תנאים איזה כתב קיבלנו בסיני.
הקול קול יעקב.
בשעה שיעקב מצפצף בקולו, אין הידים ידי עשו

להודות
שר חמש מאות
תגובות: 705
זיך איינגעשריבען אום: זונטאג מארטש 27, 2016 5:02 pm

Re: שְׁגַר אֲלָפֶיךָ

תגובהדורך להודות » פרייטאג יולי 30, 2021 11:16 am

ר' וללמוד:
איך וועל איבערזאגן אביסל קלארער און איך האף וועסט פארשטיין.
ספר השרשים איז א דיקשינערי בלע"ז אויף אלע שרשים וואס געפונען זיך אין תנ"ך און גיבט זייערע טייטשן. אפילו ווען לאלפותך וואלט געווען א נייער טייטש וואלט ער עס נישט געברענגט ווייל דאס שטייט נישט אין תנ"ך.

אוועטאר
גרשון
שר האלפיים
תגובות: 2920
זיך איינגעשריבען אום: מאנטאג פאברואר 18, 2019 11:01 pm

Re: שְׁגַר אֲלָפֶיךָ

תגובהדורך גרשון » פרייטאג יולי 30, 2021 11:51 am

וללמוד אני צריך האט געשריבן:איך זעה אבער נישט די ענליכקייטן צווישן דעם 'כתב כנעני' צו כתב עברי.

נישט ביי יעדן אות זעט מען אן ענליכקייט, אבער אויב מ'קוקט אלע אותיות, קען מען נישט האבן קיין ספק אז די צוויי כתבים האבן שייכות.

כתב אשורי איז אן עקסטערע נושא.
מיט אזויפיל ביכער, אויסגאבעס, גליונות, בראשורן, קאמפיינס, און ווירטואלע ארטיקלען, וואקסט דער אידישער ליטעראטור ווי אויף הייוון. וואס וועט זיין מיט א אידישן ספעל טשעקער?


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט