מרן הבני יששכר זצ"ל וצאצאיו - שושלת דינוב

תולדות וסיפורי צדיקים וחסידים

די אחראים: אחראי, גבאי ביהמד

אוועטאר
מיללער
שר עשרת אלפים
תגובות: 22764
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » פרייטאג אפריל 16, 2010 10:10 am

נחמן נתן האט געשריבן:אינעם אויסגאבע 'המבשר' מדור 'למשפחותם' האבן זיי זיך גענומען צו די טעמע: צאצאי הבני יששכר. זיי שרייבן שוין 2-3 וואכן איבער דעם, און ווי ס'זעהט אויס וועט דאס זיך נאך ציען חדשים. זיי שרייבן אלע שרשים און ענפים פון די ברייט-פארצווייגטע משפחה.


ידידינו החשוב מביקסאד הי"ו האט אונז מזכה געווען מיט די דריי מאמרים, וועלכע איך לייג אהער אלס פד"פ, זייער אינטערעסאנט מיט גוטע פרטים, תשוח"ח לו.

דעם אילן זעלבסט האב איך אויך פאטאגראפירט אין א גפ"ג פארמאט, להקל על המעיינים.

א דאנק פארן שרייבער פון המבשר וועלכער האט געגעבן רשות ארויפצושטעלן די מאמרים פאר הערות והארות ביטע זיך פארבינדען מיטן שרייבער אויף אי-מייל hazadikim@gmail.com
צוגעלייגטע
DinevTree.JPG
1.pdf
(5.97 MiB) דאונלאודעד 231 מאל
2.pdf
(2.42 MiB) דאונלאודעד 169 מאל
3.pdf
(423.2 KiB) דאונלאודעד 154 מאל

אוועטאר
אייניקעל פון אהרן הכהן
שר מאה
תגובות: 247
זיך איינגעשריבען אום: מיטוואך אוקטובער 29, 2008 6:13 pm

תגובהדורך אייניקעל פון אהרן הכהן » דאנארשטאג אפריל 22, 2010 4:13 pm

שכח מיללער פאר די רייכע עטעטשמענטס
הוי מתלמידיו של אהרן אוהב שלום ורודף שלום, אוהב את הבריות ומקרבן לתורה

www.Karveinu.com

איטשע
שר האלף
תגובות: 1329
זיך איינגעשריבען אום: דאנארשטאג אוגוסט 27, 2009 10:19 am

תגובהדורך איטשע » פרייטאג אפריל 23, 2010 4:55 am

איך קוק אן דעם שרייבער אין איך ווער נתפעל, דער פאטער פון רבי ר' מיילעך האט געייסן רבי אלעזר ליפא ליפמאן, ער איז געווען א זוהן פון רבי משה, אזוי איז קלאר אויף זיין מצבה געדרוקט אין ספר מים חיים, הרב ענגלארד האט שוין געשריבען דערפון 10 יאר צוריק, די גאנצע געשריבענען יחוס פאלט אינגאנצען אוועק, קומט ער און ער איז מעלה גרה די שטותים נאכאמאל.

דער מענטש האלט נישט מיט די פרישע אויפדעקונגען פון די חוקרי היוחסין און מאכט זיך אמוויסענד פון זיי, און שרייבט וואס מען האט געשריבען 100 יאר צוריק. ער מאכט מיר נערוועז.

אוועטאר
שוועמל
שר עשרת אלפים
תגובות: 14068
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג דעצמבער 19, 2010 4:17 am

ארויפגעברענגט לכבוד די גרויסע יארצייט דעם שבת קודש שמות הבעל"ט
חי טבת

וואו זיין ציון?
אין דינאב צי לאנצוט?
לעצט פאראכטן דורך שוועמל אום זונטאג דעצמבער 19, 2010 4:22 am, מאל פאראכטן געווארן 1 סך הכל.
שוש אשיש בה', תגל נפשי באלקי! (ישעיה סא)

באמבאסטיש
שר האלף
תגובות: 1765
זיך איינגעשריבען אום: מאנטאג נובעמבער 22, 2010 12:46 pm

תגובהדורך באמבאסטיש » זונטאג דעצמבער 19, 2010 4:22 am

בני יששכר האט געשריבן:דער בני יששכר האט קודם געהייסן לאנגזאם ער האט זיך געטוישט אוף שפירא
איך וועל שפעטער פארציילן די מעשה וואס איז געווען

איר דרייט זיך נאך דא הרב בני יששכר???
וואס איז די מעשה?

סייעתא דשמיא
אנשי שלומינו
תגובות: 4
זיך איינגעשריבען אום: פרייטאג דעצמבער 17, 2010 9:35 am

תגובהדורך סייעתא דשמיא » זונטאג דעצמבער 19, 2010 12:33 pm

באמבאסטיש האט געשריבן:
בני יששכר האט געשריבן:דער בני יששכר האט קודם געהייסן לאנגזאם ער האט זיך געטוישט אוף שפירא
איך וועל שפעטער פארציילן די מעשה וואס איז געווען

איר דרייט זיך נאך דא הרב בני יששכר???
וואס איז די מעשה?


ר' יוסף חיים ג. שליט"א דערציילט אז די רעגירונג האט געשיקט צוויי זשאנדארען צו ר'פסח אז ער מוז שיקען איינע פון זיינע זין דינען אין מיליטער (כנהוג בימים ההם)
האט זיי ר' פסח געשיקט נעמען זיין זון הרה"ק ר' הערש מיילעך זי"ע (וויסענדיג זיינע גרויסע כוחות) און זיי האבען טאקע איהם גענומען
אזוי גייענדיג זענען זיי אריבער א קליין בריקעל וואס פירט איבער א קליין טייכעל האט דער בני יששכר געזאגט א שם און די ביידע זשאנדארען זענען דערטאנקען געווארע. האט ער גמוזט אנטלויפען און זיך טוישען די נאמען צו שפירא.
ר' יוסף חיים איז מסיים אז סאיז מקובל ווי די בריק איז און ער האט עס געזען און די טייך איז אזוי נידריג אז אפילו א ינד קען זיך נישט דערטרינקען דארט
זי"ע

סייעתא דשמיא
אנשי שלומינו
תגובות: 4
זיך איינגעשריבען אום: פרייטאג דעצמבער 17, 2010 9:35 am

תגובהדורך סייעתא דשמיא » זונטאג דעצמבער 19, 2010 12:34 pm

שוועמל האט געשריבן:ארויפגעברענגט לכבוד די גרויסע יארצייט דעם שבת קודש שמות הבעל"ט
חי טבת

וואו זיין ציון?
אין דינאב צי לאנצוט?


אין דינוב

באמבאסטיש
שר האלף
תגובות: 1765
זיך איינגעשריבען אום: מאנטאג נובעמבער 22, 2010 12:46 pm

תגובהדורך באמבאסטיש » זונטאג דעצמבער 19, 2010 12:49 pm

סייעתא דשמיא האט געשריבן:
באמבאסטיש האט געשריבן:
בני יששכר האט געשריבן:דער בני יששכר האט קודם געהייסן לאנגזאם ער האט זיך געטוישט אוף שפירא
איך וועל שפעטער פארציילן די מעשה וואס איז געווען

איר דרייט זיך נאך דא הרב בני יששכר???
וואס איז די מעשה?


ר' יוסף חיים ג. שליט"א דערציילט אז די רעגירונג האט געשיקט צוויי זשאנדארען צו ר'פסח אז ער מוז שיקען איינע פון זיינע זין דינען אין מיליטער (כנהוג בימים ההם)
האט זיי ר' פסח געשיקט נעמען זיין זון הרה"ק ר' הערש מיילעך זי"ע (וויסענדיג זיינע גרויסע כוחות) און זיי האבען טאקע איהם גענומען
אזוי גייענדיג זענען זיי אריבער א קליין בריקעל וואס פירט איבער א קליין טייכעל האט דער בני יששכר געזאגט א שם און די ביידע זשאנדארען זענען דערטאנקען געווארע. האט ער גמוזט אנטלויפען און זיך טוישען די נאמען צו שפירא.
ר' יוסף חיים איז מסיים אז סאיז מקובל ווי די בריק איז און ער האט עס געזען און די טייך איז אזוי נידריג אז אפילו א ינד קען זיך נישט דערטרינקען דארט
זי"ע

ייש"כ.

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

ר' דויד מדינוב זי"ע י"ט אדר

תגובהדורך פארשריבן » מיטוואך פאברואר 23, 2011 10:07 pm

ר' דוד'ל דינובער פלעגט זיין א גרויסער ווערטל זאגער.
ניטל – ווען מ'טאר נישט לערנען - איז געווען איינגעפירט ביי אים, אז ער האט געזאגט ווערטלעך און קיינער האט נישט געטארט לאכן.
ווער עס האט געגעבן א לאך האט מען גע'קנס'ט.

איינמאל איז ער געזעצן צוזאמען מיטן הייליגן שינאווער רב, און געזאגט ווערטלעך ווי זיין שטייגער.
אינמיטן רופט זיך דער שינאווער רב אן:
"דינובער רב, לאמיר הערן א דבר תורה".

האט ער געענטפערט מיט א פראגע:
"און ביז יעצט וואס איז געווען?!"

(שפעטער האט דער שינאווער רב מסביר געווען, אז ער האט באמת אויך געוואוסט אז זיינע ווערטלעך זענען דברי תורה, נאר ער האט געוואלט אז די חסידים זאלן דאס וויסן).


ר' דוד'ל פלעגט כסדר אסאך ארומפארן צו פארשידענע רבי'ס.

בפרט פלעגט ער פארן קיין צאנז צום הייליגן דברי חיים זצ"ל. און דער הייליגער רב ז"ל פלעגט אים געוואלדיג מכבד זיין, עפעס אויסטערליש.
דאס אויסערגעווענליכע ידידות קען זעהן פונעם פאלגנדן פאקט: ער פלעגט פארן יעדעס יאר קיין קרעניץ, וואס האט געהערט צום צאנזער גליל.
אין קרעניץ פלעגן דעמאלט זיין אסאך רבי'ס אויף קור, אבער קיינער האט נישט געטארט מיטנעמען זיין שוחט (ווי עס איז געווען איינגעפירט ביי רבי'ס בימים ההם). אן אויסנאם איז געווען ר' דוד'ל דינובער וועלכער האט געהאט א ספעציעלן רשות דערויף פונעם רב ז"ל אליינס.

ווען ער פלעגט פארן קיין קרעניץ, פלעגט ער יעדעס יאר אויפן וועג אהין אנטרעטן ביים צאנזער רב און אזוי אויך אויפן וועג אהיים.
און דער צאנזער רב פלעגט אים יעדעס מאל ארויסבאגלייטן, און געווארט ביז ער איז אוועקגעפארן.
די מצב וואס ער פלעגט מאכן פון די באזוך אין צאנז איז געווען אויף אזוי ווייט, אז זיין זון דער בלאזובער רב האט זיך אמאל אויסגעדרוקט בדרך צחות: "צו מיינט איר אז דער טאטע האט געדארפט פארן קיין קרעניץ? ער האט געוואלט זיין אין צאנז, האט ער אזוי אויסגערעכנט צו פארן קיין קרעניץ כדי ער זאל קענען זיין אין צאנז"...

המשך יבוא אי"ה בל"נ.

(די מנהלים ווערן געבעטן צו אפדעיטן די 'לוח היארצייטן').

אוועטאר
געלעגער
שר עשרת אלפים
תגובות: 11319
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » דאנארשטאג פאברואר 24, 2011 12:56 am

וואס איז די פשט פונעם "י" אין דויד?

אוועטאר
שאץ מאץ
שר האלפיים
תגובות: 2815
זיך איינגעשריבען אום: דאנארשטאג מאי 15, 2008 5:01 pm
לאקאציע: איבעראל
פארבינד זיך:

תגובהדורך שאץ מאץ » דאנארשטאג פאברואר 24, 2011 4:45 am

אין עשר צחצחות (מערכת דינוב) שטייט אז דער בנ"י האט עס אים צוגעגעבן אמאל ווען ר' דוד'ל איז נישט געזונט געוועהן, האט ער צוגעלייגט דעם יוד צום נאמען דוד, און געזאגט אז די סגולה פון צולייגן א יוד איז מקורו פון חז"ל יהב לי' ידי' ואומקי', אז מ'לייגט צו א יוד ווערט מען געזונט,

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מאנטאג פאברואר 28, 2011 8:13 pm

אינעם גליון "שערי ציון" ווערט געברענגט אז דער בנ"י האט דאס געטוהן עפ"י עצתו פונעם רבין פון לובלין.

------------

ר' דוד'ל פלעגט כמעט נישט פארשרייבן זיינע תורות. דאס ספר "צמח דוד" איז פארצייכנט געווארן דורך איינע פון די חסידים.

ווען דער מוציא לאור איז געקומען צו בלאזובער רב ז"ל ווייזן דעם ספר, האט ער אריינגעקוקט אינעם ספר און געזאגט:
"דער טאטע ז"ל האט א גאנצן טאג געשמועסט. אפי' ביים זיך צולאנען ביי מיטאג ווען דער משמש האט אים אויסגעטוהן די זאקן, האט דער טאטע "צווישן איין זאק און דעם צווייטן געזאגט מער תורה ווי עס איז דא אין דעם גאנצן ספר"...


דער בלאזובער רב האט אמאל דערציילט, אז זיין טאטע איז אמאל געפארן צום שטאט "באדען", און ער האט מיטגענומען צוועלף אלטע אידן וואס זענען נאך געווען תלמידים פון זיין טאטן דער הייליגער בני יששכר זצ"ל.
ער איז געווען דארט א גאנצע נאכט און גערעדט אין חסידות.
דערנאך האט ער געזאגט, אז עס איז געווען א קטרוג אויבן אז אין באדען ווייסט מען נישט אז ס'איז דא א באשעפער אויף דער וועלט, דעריבער האט ער געוואלט ווייזן אז אויך אין באדען רעדט מען 'אידישע דיבורים'.


דער בלאזובער רב, בעל צבי לצדיק, האט זיך אמאל אנגערופן צו זיין אייניקל: 'דו מיינסט אז מען ווערט סתם אזוי א רבי, קום איך וועל דיר דערציילן'.
מיין טאטע פלעגט מקפיד זיין אז קיינער זאל נישט זיין אנוועזנד ווען ער האט געגעסן וועטשערע, וואס איז באשטאנען פון אביסל קאשע. איך האב אבער שטארק געוואלט זיין ביים טאטן, האב איך געבעטן ביינוש גבאי, אז ער זאל מיר אריינלאזן כאטש איינמאל צו וועטשערע.
האט ביינוש גבאי איבערגעזאגט פאר ר' דודל דינובער וואס זיין זון האט געבעטן, אבער ער האט געענטפערט "דו ווייסט דאך אז איז לאז קיינעם נישט אריין".

ווען ביינוש גבאי האט דאס איבערגעזאגט פארן בלאזובער רב, האט ער אים געזאגט:
הער ביינוש! איך מוז זיין אנוועזנד היינט אין אוונט ביי וועטשערע. אויב דו ערלעדיגסט מיר דאס, זאג איך דיר צו אריכות ימים ושנים און נחת פון די קינדער עד סוף כל הדורות!

הערנדיג אזא הבטחה, איז ער נאכאמאל אריין צום רבין, און אזוי ווי עס איז דאן געווען אינמיטן ווינטער, האט ער געזאגט אז אינדרויסן הערשט א שטארקע פראסט און דער רב'ס זון קען נישט יעצט אהיים גיין, ס'איז ממש א סכנה. וועגן דעם וויל ער דא בלייבן ביי וועטשערע.
און בלית ברירה האט דער רבי איינגעשטימט אז ער זאל פארבלייבן.

ער האט טאקע זוכה געווען צו הערן א הייליגן שמועס פון זיין טאטן, וואס האט געדויערט א גאנצע נאכט.
זיבן אזייגער אינדערפרי, האט ביינוש גבאי (וועלכער איז אינצווישן אהיימגעגאנגען שלאפן) געקלאפט אויפן פענסטער און געזאגט:
רבי, וואספארא פנים וועלן מיר האבן אז דער גאנצע שטאט גייט שוין צום דאווענען, און מען וועט מיינען אז דער רבי שלאפט נאך...

דער בלאזובער האט אויסגעפירט: איך בין דאך גארנישט. אבער איין זאך קען איך דיר זאגן, אז וואס איך בין יא איז פון יענע נאכט...

טאבאקא
שר חמש מאות
תגובות: 665
זיך איינגעשריבען אום: זונטאג יוני 20, 2010 1:29 am

תגובהדורך טאבאקא » מאנטאג יוני 06, 2011 11:46 am

ר' דויד'ל איז – ווי אויבן דערמאנט - געווען א שטארקער ווערטל-זאגער. בפרט ווען ער האט זיך באטייליגט אויף א חתונה פלעגט ער מקפיד זיין אז דער חתן זאל שמייכלען. פשוט אלס "הנהנה מסעודת חתן" וכו'.

(אגב, דאהי אין ברוקלין איז געווען דער סענדזשארשער רב ז"ל, וועלכער פלעגט צוגיין צו יעדן חתן נאך די חופה, און זאגן "איך געדענק דיך נאך אלס בחור"...).

איינמאל איז געווען א חתן אן עקשן, און וויפל ווערטלעך ער האט נאר געזאגט האט ער נישט געהאלטן ביים שמייכלען. ביז ער האט זיך אנגערופן "וואס מאכט זי, דיין ווייב?"... און ער האט זיך צושמייכלט.
האט ער מיט דעם געטייטש: "ולשמחה" אז מען וויל פרייליך מאכן א חתן, דארף מען פרעגן "מה 'זו' עושה" וואס זי מאכט... ודפח"ח.

דוד פיישוט
שר חמישים ומאתים
תגובות: 298
זיך איינגעשריבען אום: מיטוואך נובעמבער 10, 2010 9:28 pm
לאקאציע: אין ישיבה

תגובהדורך דוד פיישוט » זונטאג יולי 10, 2011 8:09 pm

אין דער בליק (ביי א בליק אין אמאל) איז געווען א היסטארישער בילד פון ר' דודל דינובער
איך ווייס נאר נישט ווי קראנט דאס איז

אויך האט מען לעצטענס איבערגעדרוקט דעם "צמח דוד" אין א שיינעם דרוק

טאבאקא
שר חמש מאות
תגובות: 665
זיך איינגעשריבען אום: זונטאג יוני 20, 2010 1:29 am

תגובהדורך טאבאקא » מאנטאג יולי 25, 2011 1:30 pm

איך האב געזען דאס בילד. עס איז זייער אינטרעסאנט, ער זעהט דארט אויס ממש ווי א אינגערמאן.

וועט מען דארפן פרעגן יודל'ען ווי קראנט עס איז.

אוועטאר
מומחה יוחס
שר האלף
תגובות: 1460
זיך איינגעשריבען אום: זונטאג אפריל 11, 2010 1:22 pm
לאקאציע: ווי יא

תגובהדורך מומחה יוחס » דאנארשטאג ינואר 12, 2012 8:40 pm

ארויף געברענגט לכבוד די הייליגע יא"צ .

עמער דא דערציילען א קורצער ענין

עס איז באקאנט ווען דער הייליגער בני יששכר איז נסתלק געווארן ווען עס איז אנגעקומען דער ידיעה צום שר שלו' פין בעלזא האט ער זיך צוקרעצט א שאד עס איז אוועק אן ערליכער יוד ווי דער רעבעצין הרבנית הצדקנית מלכה ע"ה האט דאס געהערט האט זי זיך געווינדערט זאגענדיג עס איז דא נאך רעבי'ס צדיקים האט ער איהר גענטפערט יא יא רבי'ס איז דא אסאך אבער עהליכער יודן איז דא ווייניג אין דער רבי הערש מיילעך איז געוועהן א עהליכער יוד!!
参考专家

אוועטאר
יהיה כן
שר שמונת אלפים
תגובות: 8455
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דאנארשטאג ינואר 12, 2012 11:02 pm

טאבאקא האט געשריבן:איך האב געזען דאס בילד. עס איז זייער אינטרעסאנט, ער זעהט דארט אויס ממש ווי א אינגערמאן.

וועט מען דארפן פרעגן יודל'ען ווי קראנט עס איז.


עה, דאס איז לכאורה ר׳ דוד השני מדינוב
יהי כן ה׳ עמכם וכו׳ לא כן לכו נא, כשאדם אומר כל דעביד רחמנא לטב עביד ואם רצון הבורא כן 'יהי כן', אזי 'ה' עמכם' - מדת הרחמים, 'לא כן' היינו שקורא תגר ואומר 'לא כן', אזי 'לכו נא הגברים', ממשיך גבורות ודינים (דברי ישראל פ' בא ד"ה יהי כן)

הוצאת.אמת
שר מאה
תגובות: 159
זיך איינגעשריבען אום: דינסטאג אוקטובער 11, 2011 5:50 pm

תגובהדורך הוצאת.אמת » מאנטאג פאברואר 13, 2012 11:55 am

עס איז מיר ידוע אז ר' שמואל שפירא אב"ד רעדים [בן רבי מנחם מענדל פנחס שפירא מלאנצהוט] איז געווען אין אמעריקא בשנות תר"ע או תר"פ, ווער עס האט מער פרטים בנוגע פונקטליכע תאריכים, ווערט געבעטען דא מודיע זיין

א דאנק

הוצאת.אמת
שר מאה
תגובות: 159
זיך איינגעשריבען אום: דינסטאג אוקטובער 11, 2011 5:50 pm

תגובהדורך הוצאת.אמת » מאנטאג פאברואר 13, 2012 12:00 pm

איידי דאתינן להכי וועלכען לתועלת ארויף לייגען פארשידענע נייע פרטים וואס איז מיר לעצטענס נתגלה געווארען מתוך מחקר בשלשלת המשפחה


יארצייטען

יום פטירתה של הרבנית חנה מינדל אשת הבני יששכר זי"ע, כ"א אדר

יום פטירת הה"צ ר' מנחם מענדל פנחס שפירא אב"ד לאנצהוט, בן רבי אלעזר מלאנצהוט, י"ט כסלו [השנה לא נודע לעת עתה]

שנת פטירת הה"צ ר' שמואל שפירא מרעדים, תרצ"ח [ולא תרצ"ז כמו שאיתא במאורי גאליציא]

די פטירה פון אבי הבני יששכר ר' פסח איז שוין היינט אויכעט ידוע, כ"ה מרחשון תקפ"א בן ע"ח שנה

ווילוויסן
שר האלף
תגובות: 1428
זיך איינגעשריבען אום: דאנארשטאג אוקטובער 27, 2011 11:26 pm

תגובהדורך ווילוויסן » דאנארשטאג פאברואר 23, 2012 11:34 pm

מיללער האט געשריבן:יעצט האב איך געטראפן אינעם קאטאלאג פון מכון קדם פון חפיצים וואס גייען ווערן ליציטירט אין ירושלים אין א צוויי ואכען ארום, א זיגל פון ר' יעקב (יאנטשי) קאללעך מאיסטריק ז"ל וועלכער איז געווען אן אייניקל פונעם הייליגען בני יששכר, זיין פאטער ר' שמואל זאנוויל קאללעך וועלכער איז ארויף אויף אר"י און האט זיך באזעצט אין צפת, אינאיינעם מיט זיין משפחה כולל דער זון ר' יעקב, איז געווען אן איידעם ביי ר' יעקב אָרי ז"ל פון טורקא חתן ר' משה שעהנפעלד חתנו של מרן הבני יששכר זצ"ל.

ר' יעקב נפטר בצפת בשנת תרנ"ח ושם מנו"כ
דער זיגל

דער אויבנדערמאנטער ר' יעקב אורי בן בעל חשב וכתפות האפוד אב"ד טורקא איז בזיווג ראשון געווען א איידעם ביים בני יששכר אליינס. בזיווג שני איז ער געווארן אן איידעם ביים שוואגער ר' משה שעהנפעלד דעם קאללעך איז ווארשיינליך טאקע מזיווג שני.

אוועטאר
לכתחילה אריבער
שר עשרת אלפים
תגובות: 19999
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » פרייטאג פאברואר 24, 2012 12:56 pm

אלע אייניקלעך פונעם הייליגען בני יששכר!!!!!
http://www.ics.uci.edu/~dan/genealogy/M ... -outln.htm
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
מיללער
שר עשרת אלפים
תגובות: 22764
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג פאברואר 27, 2012 10:49 am

לכתחילה אריבער האט געשריבן:אלע אייניקלעך פונעם הייליגען בני יששכר!!!!!
http://www.ics.uci.edu/~dan/genealogy/M ... -outln.htm



אין כל חדש תחת השמש, מה שהיה הוא שיהיה, דעם לינק האט שוין ידידינו הבלתי נשכח הצמוד בקירות לבבינו, רבי אלופי ומיודעי, כבוד ר' זרח דמן-פפר זכר ניקו לברכה, געברענגט אינעם ערשטן בלאט פונעם אשכול, וממנו היה לנו שמחת בית השואבה, ששאבנו מן הלינק ידעות מחכימות ומדהימות

וזה לשונו הצח של רבינו זרח מאור הקרעטשמע:
זארעכפעפער האט געשריבן:מיללער, אזוי בלעטערנדיג אויפן ברייטן געוועב, איז מיר אונטער געשפרינגען דער פאלגנדער וועב-זייטל, וועלכער וועט דיר מעגליך אביסל העלפן.
http://www.ics.uci.edu/~dan/genealogy/M ... y-yscr.htm


יה"ר שבזכות הנצחת זכרו, יזריח נרו ואורו, ויעמוד ניקו לקץ התחיה וירום קרנו בתוכינו כמקדם אכי"ר.

אוועטאר
לכתחילה אריבער
שר עשרת אלפים
תגובות: 19999
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מאנטאג פאברואר 27, 2012 1:13 pm

מיללער האט געשריבן:
לכתחילה אריבער האט געשריבן:אלע אייניקלעך פונעם הייליגען בני יששכר!!!!!
http://www.ics.uci.edu/~dan/genealogy/M ... -outln.htm



אין כל חדש תחת השמש, מה שהיה הוא שיהיה, דעם לינק האט שוין ידידינו הבלתי נשכח הצמוד בקירות לבבינו, רבי אלופי ומיודעי, כבוד ר' זרח דמן-פפר זכר ניקו לברכה, געברענגט אינעם ערשטן בלאט פונעם אשכול, וממנו היה לנו שמחת בית השואבה, ששאבנו מן הלינק ידעות מחכימות ומדהימות

וזה לשונו הצח של רבינו זרח מאור הקרעטשמע:
זארעכפעפער האט געשריבן:מיללער, אזוי בלעטערנדיג אויפן ברייטן געוועב, איז מיר אונטער געשפרינגען דער פאלגנדער וועב-זייטל, וועלכער וועט דיר מעגליך אביסל העלפן.
http://www.ics.uci.edu/~dan/genealogy/M ... y-yscr.htm


יה"ר שבזכות הנצחת זכרו, יזריח נרו ואורו, ויעמוד ניקו לקץ התחיה וירום קרנו בתוכינו כמקדם אכי"ר.


יא, הרב ביקסאד האט מיר שוין מעורר געווען אין בליץ פאסט, כ'האב זיך טאקע געווינדערט, ווייל פארן לייגן די לינק, האבעך געגעבן א שנעלע קוק איבער די פרידיגע בלעטער, און נישט געזען די לינק, וואס איז דאך ממש א יסוד אין דעם ענין, עניוועי יעצט זעה איך אז ב"ה כ'האב עס פשוט פארזען, און פארלאז זיך נאר אויף די חבירים דא!!
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

הוצאת.אמת
שר מאה
תגובות: 159
זיך איינגעשריבען אום: דינסטאג אוקטובער 11, 2011 5:50 pm

רבי שמואל שפירא מרעדים

תגובהדורך הוצאת.אמת » מיטוואך פאברואר 29, 2012 12:02 pm

רבי שמואל שפירא מרעדים

ער האט געוואינט אין די לאוער איסט סייד פאר איטליכע יאר און ער האט געדאווענט אין ביהמ"ד רעים אהובים, און צוליב א פארווייטאגטליכער פרשה שאכמ"ל האט ער זיך צוריק געקערט קיין פולין ווי ער האט געלעבט בין זיין פטירה בשנת תרצ"ח

אין פראביר צו טרעפען די פונקטליכע יארען, צריך להיות בסביבות תר"פ-פה


ווער עס קען ארויסהעלפען, תבא עליו ברכה

ווילוויסן
שר האלף
תגובות: 1428
זיך איינגעשריבען אום: דאנארשטאג אוקטובער 27, 2011 11:26 pm

תגובהדורך ווילוויסן » מיטוואך פאברואר 29, 2012 2:23 pm

ווי אלט איז ער געווען בערך ביים קומען


צוריק צו “על הצדיקים ועל החסידים”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 7 געסט