מיינע אבזערוואציעס..

געשמאקע ארטיקלן און בילדער וכדו'

די אחראים: אחראי, געלעגער

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

מיינע אבזערוואציעס..

תגובהדורך מיקא » דאנארשטאג אפריל 04, 2019 10:11 pm

כ'האב פונקט געטראכט
כ'האב פונקט געטראכט, וועגן די טעמע פון נעמען הסכמות, ווען מ'געבט ארויס עפעס פאר'ן יודישער גאס.
אז מ'קוקט צוריק מיט יארן, האט א הסכמה געמיינט, אז ס'איז געווארן איבערגעקוקט און פארזיכערט מיט'ן רב'ס זיגל, אז ס'איז כשר! ס'איז ריין פון פרעמדע השקפה, ס'איז צוגעפאסט פאר'ן היימישער שטוב, און ס'איז אזוי כשר ווי א גלעזל קידוש וויין.
ווידעראום, היינט, מיין איך איז געווארן אזא גרינגע זאך צו באקומען א הסכמה – אויף סיי וואס.. און ווי לעכערליך דאס הערט זיך, איז דא א הסכמה אויף די מערסט מפוקפק'דיגע פאפירן, און אויסגאבעס, פראדוקטן און דאס גלייכן. אז ס'איז א געלעכטער גדול ונורא!
ווער האט אמאל בכלל אפגעלייענט וואס ס'שטייט אין די הסכמה דרשות? עולם כגולם נהוג.. און מ'זעט אפילו נישט וואס דער רב שרייבט דארט; און יא, דער רב האט פיין אריינגעשריבן וואס ער האלט פונעם ספר, ער שרייבט דארט; איך האב גוט געזען דעם ספר, איך קען דעם מחבר, און כ'וואונטש אן דעם מחבר זאל זיין געזונט.. און ער זאל קענען חתונה מאכן די קינדער בנקל..
מיט אנדערע ווערטער, קען דער רב נישט שרייבן אז ס'איז תורה מסיני, און פטור בלא כלום קען מען דאך נישט, און אדער איז יענער איז א רחמנות ברשות התורה.. אדער איז עס גאר א הסכמה פון יענע רב.. וואס פארקויפט זיך די נשמה פאר'ן מטבע – צו אפשר נאך סיבות.
אבער צו שפילט נאך א הסכמה א געוויכט? אויסער ביי די אנטיקן זאמלער, און חשבונות מאכערס? איז דען נישט א שאד די פאפיר א שאד די נאמנות – ווען מ'זעט הסכמות בלי מספר, און ס'איז ווי חסידיק סאנגס אין די מוזיק לייברערי.. וואס האט קיינמאל חסידות נישט טועם געווען, אזוי זעט מען הסכמות אויף ספרים וואס האבן קיין ערליך יודיש ווארט נישט דערין דערמאנט.
אתמהה

פרידן
שר האלפיים
תגובות: 2006
זיך איינגעשריבען אום: מיטוואך דעצמבער 02, 2015 7:37 pm

תגובהדורך פרידן » מאנטאג אפריל 08, 2019 3:01 am

יפה שאלת

ר' יום טוב
שר האלף
תגובות: 1429
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » מאנטאג אפריל 08, 2019 9:21 am

און איך האב געטראכט, וואסי פשט אז אלס קינד געדענק איך אז דער בעל תפילה פלעגט אנהייבן שבת אויסלאזן ביי "וכולם פותחים", און אצינד הייבן די בעלי תפילה אן אויסלאזן ביי "כולם אהובים".?
מיטל-קלאס רעפרעזענטעטיוו.

אוועטאר
זופ מיט קניידל
שר מאה
תגובות: 139
זיך איינגעשריבען אום: זונטאג מארטש 24, 2019 6:24 pm
לאקאציע: אינעם זופ טעלער

תגובהדורך זופ מיט קניידל » מאנטאג אפריל 08, 2019 10:12 pm

דאס איז באמת זייער א הייקעלע נושא וואס מען דארף זייער נזהר זיין נישט צו פארקריכן צו ווייט,
יעדע זאך היינט וואס איז געשטעלט צו געבן תוקף פאר סיי וואס, צו זאל עס זיין א השגחה, א המלצה, קול קורא, און אפילו א פסק פון בי"ד, איז אין פאקט מפוקפק'דיג,
יעדע שנוק קען היינט אלעס נאכמאכן, און פאר אפאר דאלער קען מען היינט מתיר זיין אדער אסר'ן סיי וואס, אויב גייט מען אויף דעם מהלך אז א הסכמה פון א רב מיינט גארנישט, און אז א השגחה קען מיינען אז דער רב המכשיר האט יענעם געשוינט אדער זיך פארקויפט פאר געלט וועט מען אנקומען דארט ווי די אויבער חכמים פון אלע דורות זענען אנגעקומען,
וואזשע דען? דאס איז זיכער אז א מענטש דארף וויסן וועמען ער טראסט, און דאס איבריגע - וואס איז סייווי נישט בידי אדם דארף מען לאזן פארן אויבערשטן,
מיר זעען ביי משה רבינו אז דארט איז אויך געווען גאנצעטע שערורי'ס אז די 'היינטיגע רבנים' קען מען נישט טראסטן און צוליב דעם האבן זיך פארזאמלט ארום דעם ניי געקרוינטן רבי'ן קרח א ריזן געמיינדע, און זיי זענען אנגעקומען דארט ווי זיי זענען אנגעקומען,
בענין זה האב איך אמאל געהערט פון א קלוגן איד וואס באלאנגט צו א געוויסער קרייז אויף וועמען אנדערע קוקן מיט נישט אזעלכע גינסטיגע בליקן, און ביי איין ספעציפישער פרשה האב איך אים געפרעגט וויאזוי ער ערלויבט זיך זיך צו פארלאזן אינגאנצן אויף זיין רבין ווען ער ווייסט אז אזויפיל אנדערע האלטן אנדערש,
האט ער מיר געשילדערט וויאזוי עס קוקט אויס א דין תורה ביי בי"ד של מעלה מיט א איד וואס האט אייביג געזוכט דעם ריכטיגן דעת תורה און נישט געטראסט קיין רבנים, אזא איינעם נעמט מען אפיר אויף יעדן טעות זיינעם, ווייל אויב האסטו יא פארשטאנען צו די סארט ביזנעס קומט זיך דיר שלעק אויף יעדע מאל וואס דו האסט פארנאכלעסיגט,
משא"כ ווען עס קומט ארויף א תמימותדיגער חסיד פון א רבי און מען הייבט אן אים פארווארפן, שטייט ער און שרייט חי וקיים איך בין נאכגעגאנגען וואס מיין רבי האט געהייסן טון, און יעדע טענה וואס מען האט דארף גיין אויף מיין רבי'ןס חשבון, און דאס איז די שטערקסטע ראי' אז איך האב עס געטון לשם שמים, זאגט בי"ד א כפרה אויף די געציילטע טעותים'לעך,
זאגט ער מיר אז צוליב דעם קען ער מיר נישט ענטפערן זיין מיינונג ווייל ווען עס קומט צו אזעלכע זאכן 'האט ער נישט קיין מיינונג!'
עכ"פ דאס איז וואס מען דארף האלטן פאר די אויגן ווען מען רעדט פון אזעלכע זאכן, כנלענ"ד

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

תגובהדורך מיקא » מאנטאג אפריל 08, 2019 11:08 pm

ס'צייט צו מאכן א ליסטע, פון די 'בעסטע' הסכמה געבער, ביז די שוואכע; לויט וואס עס שטעלט זיך ארויס קראנט.
וועט איר פרעגן, וואס מיינט קראנט? אז ס'שטייט א הסכמה אויף א ספר וכדומה, וואס ס'נישט פארהאנען דערין קיין איין שורה פון עבודת ה', איז עס קלאר א שוואכע הסכמה.
אז ס'שטייט 'איין' שורה צו כשר'ן דעם זאך, איז עס צום שוואכן זייט. אז ס'איז באזירט אויף עבדות השם, איז עס א גוטע הסכמה - כאטש ס'נישט אלץ איינשטימיג מיט אלע קרייזן.
אבער צו זאגן, א הסכמה איז די כלל, אז וואס ס'האט א הסכמה איז כשר און וואס ס'האט נישט נישט, איז זייער פאלש. ווייל ס'איז היינט א פאקט, אז ס'פארהאנען גוטע זאכן אן א הסכמה - ווייל דער ארויסגעבער האט עס נישט געוואלט געבען פאר אלע, און דער מחמיר זאל עס אליינס איבער-אקערן פאר ער געבט עס פאר זיין שטוב; און ס'דא מאגאזינען מיט הסכמות, וואס זענען לויט די גרעסטע רבנים א מכשול פאר'ן יודישער חינוך.

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

תגובהדורך מיקא » מאנטאג אפריל 15, 2019 8:51 pm

קאלטס און ווארעמס..

ערבי פסחים, שוין אפילו נאך א עיבור יאר, און די פייגעלעך זענען אומגלויבלעך.. זיי ווילן נישט וויסן אז די יודישע קאלענדער האלט נאך אנהייב ניסן; אבער די זון שיקט אירע שטראלן, און טרוקענט אויס יעדע ביסל שווייס, וואס די פאר'פּארעטע יודען גיסן פון זיך. ס'איז פרילינג ווינטעלעך וואס געבן צוריק דאס אטעם, און אודך זאגט מען הלל, אז מ'האלט שוין מיט'ן זומער אריבער דעם שוועל.
ס'מיר נישט געווען לייכט, ווען כ'האב געזאגט 'משיב הרוח ומוריד הגשם'.. ס'נישט אין מיינע הענט צו טוישן די נוסח, אבער ס'קומט אויס זייער לעכערליך, גענוי ווי יענער וואס זאגט כל דכפין ייתי.. און האלט א פייג אין הארצן..
אבער וואס תפילה – אפילו אומ'וועלנדיג – טוט אויף, איז נישט צום שאצן!
קוים אריבער אפאר מעת לעת, און ס'האט גענומען ווידער רעגענען, ווי געזאגט, ומוריד הגשם, אבער ס'דאך א זומערדיגע רעגן שוין – לכאורה..
יא?
נאר וואס יעצט הייבט אן בושעווען א מיטל ווינט, און די זון אנטלויפט אונטער שאטן און קאלדרע.. ס'האט עפעס איינער ווי צוריקגערוקט דעם מייליטש אויף חצי טבת.. קאפעליטשן פליען, און ליידיגע באקסעס אין די לופטן..
האסטו געבעטן נעכטן משיב הרוח?? ווי די נייטרא ראפעל, געטאן ווי געזאגט און געזאגט ווי געטאן..
ס'שמעקט ווידער פון פאנקן, און די אויל רינט עפעס פון די הענט.חג כשר ושמח – העפי חנוכה.. כ'מיין כשר'ע פסח.

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

תגובהדורך מיקא » מיטוואך יוני 05, 2019 10:46 pm

לֹא מֵרֻבְּכֶם מִכָּל הָעַמִּים..
נאַ נאַ נאַ... עטץ זענטס גארנישט קיין סאך, און גארנישט אזוי וועלטליך בכלל, אז מ'זאל אייך דערפאר לויבן און שעצן! ס'דא וויפיל מאל מער כינעזע און מדבר קריכערס, אסאך שטערקערע און פולצאליגע סארטן, אז דו פינטעלע יודעלע זאלסט זיין עפעס ווערד א קרוין צו סיי וועלכע מעדאל.
ענגליש קעקעצ'סטו.. וויסנשאפט ווייסטו נישט, דו ווייסט נישט מימין ומשמאל – פון מערב צו צפון.. און קומסט בכלל נישט צוניץ דעם וועלטליכע פאבליקום, און אזא שטויבעלע ווי דו מיט דיין עקסזיטענץ וואלט מיט א רוח מצויה שוין צונישט געווארן – נישט היינט, נישט נעכטן, נאר נאך פאר דו האסט געקלערט צו זיין עפעס בכלל – בעפאר ביז געווען שבעים נפש, פיר טויזענט יאר צוריק, אויפ'ן נויט וועג קיין עגיפטען.
אלא מאי?
דער יענער וואס איז דער ערשטער און דער לעצטער, ער האט מיך אויסגעקליבן פאר זיין ליב פאלק, און געגעבן זיין כלי חמדה מיט רצון ותשוקה, און אט דער איינציגער אלמעכטיגער גאט ב''ה, ער באוויליגט מיר, און וויל איך זאל זיין ווי בוימאייל אויפ'ן וואסער, און איבערלעבן אלץ און אלעמען, און זיינע חשבונות זענען אנדערש ווי דאס מאטעריאלע חשבונות.
דער יודעלע קעקעצט ענגליש? נו וועמען שטערט עס.. דעם באשעפער?? אה, דעם סוחר.. נישט געפערליך..
ער קען נישט אלע מלכי מזרח ומערב אויפ'ן נאמען און געבורט'ס-טאגע, מיט זיינע צעדליגע פילגשים? וואס עפעס יא? האב איך דען באשאפן די וועלט פאר דעם צוועק??
ער קען נישט האנדלען? ער קען נישט פארדינען? כ'האב געמיינט אז די סיבה וואס מ'האט דעם יודעלע פיינט, איז ווייל זיי – יא זיי פירן די ביזנעס וועלט, און 'זיי' זענען די מרגיז ממלכות..?
מעיק אפ יור מיינד! זענען זיי א קלוג פאלק, צו זענען זיי פאנאטיש.. זענען די לומדי תורה קורץ קעפיג, צו יענע חברה גנבים..
וואס עפעס הייסן זיי נא'איוו? ווייל זיי קענען נישט 'אלע' שטותים וואס דער יענקי און בריט און פראנצויז קאן? און טאמער קען ער אלע חכמות – די אמת'ע חכמה, מדע ותבונה, די ריכטיגע העכערע באגריפן, נאך פאר סיי וועלכע באטשי האט עס ערפונדן, איז ער נאכאלץ נא'איוו??
לאמיר זען מ'זאל דעם גרויסן פסיכאלאג צו אסטראנאם – וואס האט געשטיגן שוין ביז'ן מאדים – פארהערן א שטיקעלע תוספות אין יבמות, צו אין די ג' בבות, צו וועט ער נישט קעקעצן ווי א גוי אין ברטנורא.. און דווקא דארט שטייט די סודות וואס האט זיי גענומען דורי דורות צו דערגיין, פאר דעם אסטראנאמישן פאנטאסטישע סומע, וואס די פאלק האט גארנישט..
וועמענס געלט? פאר וועלכע צוועק? און אביי ורבא האבן דאס ארויסגעשאקלט פונעם ארבל – כלאחר יד – און קלאר אן קיין קעקעץ – כשבילי דנהרדעא. ווילסטו מיר פארקויפן לאקשן פונעם עולם החומר והגולם? פון סייענטיסטן וואס נעכטן איז ער געבוירן און מארגן לעקט ער בלומען אויפ'ן בית עולם?..
קאם אן! זיי האבן נישט געוואלט די תורה ווען ס'נאכנישט געווען קיין קעיז-קוכן צוגעגרייט.. און מיר האבן עס גענומען מיט ציטער, און לבסוף זיך דערמיט געהאלטן אלץ איינציגסטע נצחיות'דיגע באשטאנד, ואי לאוו האי יומא, כמה וכמה טעאריעס און לאגיעס בשוקא..
מיט וואס קען זיך גרויסן דער גוי, סיי וועלכער ראסע, קאליר, צו שטרעמונג.. מיט וואס? האט איר דען איבערגעלעבט אזויפיל עקספרימענטן, ווי אונזער פאלק? האט איר דען געזען אין מצרים און אויפ'ן ים – מה שלא ראה יחזקאל בנבואה? האט איר איבערגעטראגן די רדיפות, שחיטות, מלחמות, גליות, און ארויסגעקומען גאנץ פונעם פארמעסט? מנן ומאן הוא רחימך?? ווער איז דיין גיבור, ווער איז דיין שדרה ביין, וואס האלט דיך עפעס שטערקער ווי מיינע..
און דו וואונדערסט דיך פארוואס איך וויל נישט גיין אין דיינע מאדערנע דרכים? פארוואס איך שעם זיך בכלל נישט ווען איך קעקעץ דיינע ערדישע שפראכן? ווייל כ'ווייס נישט בעל פה אלע ענקערע שיטות וחזיונות?
נאך א וואונדער איך באשטיי? נאך א וואונדער איך דערלעב? כאטש כ'האב קיינמאל נישט געוואלט גיין מיט דיינע דרך ארץ טיפ'ן, כאטש כ'האב נישט אנגענומען דיינע סטראטעגישע קריג מיטלען, און ווער האט עס לבסוף איבערגעלעבט? דער רוימער? דער גריכער? דער גרגשי, אגגי, צו כשדי?
וואס דרייעסטו די קאפ מיט דיינע פרינציפן און דיעות? האסטו טועם געווען וואס מיינט א השגה למעלה מדרך הטבע? האסטו א באגריף אין עפעס דקות'דיגער ווי אייזקרים פיצא און בעיסבאל? און ''דו'' ווילסט מיר לערנען וואס מיינט לעבן? שעמסט דיך גארנישט? און האסט נאך די חוצפה מיך צו האסן מיט אייפער-זיכטיגקייט?
כִּי עַם קָדוֹשׁ אַתָּה לַה' אֱלֹקֶיךָ, בְּךָ בָּחַר ה' אֱלֹקֶיךָ לִהְיוֹת לוֹ לְעַם סְגֻלָּה, מִכֹּל הָעַמִּים אֲשֶׁר עַל פְּנֵי הָאֲדָמָה. גאט ב''ה האט אונז געקליבן, און נישט ענק – זיבעציג פלאס זערא. און פארוואס? ווייל כ'בין אזוי גרויס און שטארק און געלונגען געווען?..
לֹא מֵרֻבְּכֶם מִכָּל הָעַמִּים חָשַׁק ה' בָּכֶם, וַיִּבְחַר בָּכֶם, כִּי אַתֶּם הַמְעַט מִכָּל הָעַמִּים.. ווי רש''י הק' לייגט צו – כפשוטו!
- כ'בין א פינטעלע אויפ'ן מאפע, און צעשפרייט ווי רייז און פערפל איבער'ן גלאבל!.. און דאס וואס דו גוי האסט מיך פיינט, איז בכלל נישט וועגן די צענדליגע סיבות וואס דו טענה'סט, אז כ'וואלט געקענט בכלל פאר'רעכטן, נאר וואס דען, נאר פאר איין סיבה אליינס.
זאגט די גמרא אין מס' שבת; מאי הר סיני? הר שירדה שנאה לעכו"ם עליו.. זאגט רש''י; שלא קבלו בו תורה:
נו, רעגסטיך.. מעגסטיך.. ווילסט נישט, מוזט נישט.. אבער מיר זענען די עם ישראל חי, ישראל אשר בך אתפאר, און מיר וועלן אייך אלע איבערלעבן – מיט די תורה כי הוא חיינו ואורך ימינו, און וואס א טאג, און וואס א יאר מיט א פרישקייט, זעמער מקבל תורה באהבה, מהמברך את עמו ישראל באהבה.

גוט יו''ט!

אוועטאר
אלי' מקוה יוד
שר האלף
תגובות: 1586
זיך איינגעשריבען אום: דאנארשטאג מאי 18, 2017 11:52 pm

תגובהדורך אלי' מקוה יוד » מיטוואך יוני 05, 2019 10:56 pm

Wow

איינס און א גוטס!
קען איך אייך מיט עפעס בייהילפיג זיין? פילט אייך פריי מיר צו קאנטאקטן אויף הענגאוטס elyemikva@gmail.com, כ'וועל פרובירן דאס בעסטע.

אוועטאר
shimon7323
שר האלף
תגובות: 1824
זיך איינגעשריבען אום: דינסטאג פאברואר 14, 2012 9:21 pm
לאקאציע: שיך

תגובהדורך shimon7323 » מיטוואך יוני 05, 2019 11:24 pm

הערליך שיין און ליכטיג.

יישר כח

זייער קלוג
שר חמש מאות
תגובות: 580
זיך איינגעשריבען אום: זונטאג סעפטעמבער 23, 2018 4:30 am

תגובהדורך זייער קלוג » דאנארשטאג יוני 06, 2019 12:47 am

wow wow
קיעפ איט אן זייער שיין
איך וואלט געוואלט געבן א הסכמה איך ווייס אבער נישט אויב עס איז ווערט
אתה חונן בעט מען נאכאלץ

קאטאגאריש
שר חמישים
תגובות: 66
זיך איינגעשריבען אום: מאנטאג פאברואר 18, 2019 6:28 pm

תגובהדורך קאטאגאריש » דאנארשטאג יוני 06, 2019 1:29 am

איבער דיין פראבלעים פון הסכמות אויף ביכער וואס טויג נישט, איך האב געהאט א ענליכע פראבלעים, רעסטראנטען וואס איך האלט אז מען טאר נישט דארט עסען, אין עס האט הכשרים,

האב איך באשלאסען זיך נאכפרעגען אויף די הכשרים, אין עסען נאר אויב די רעסטראנט האט א הכשר וואס איך געטרוי,

פראביר צי טון די זעלבע מיט ביכער אין אויסגאבעס, איך בין זעכער אז סאיז דא רבנים וואס געבען נאר אויף זאכען וואס שטימט מיט דיין השקפה,

בדרך אגב האב איך מיטגעהאלטן צוויי מאל מיט באקימען הסכמות, געווען וואס האבען געגבן גרינג מן הסתם אפילו נישט ארייגעקיקט, זייער הסכמה איז געבויט אז ער קען דעים מענטש, אין אנדערע וואס האבען צריקגעשיקט מיט זאכען צי טוישען,

דער ארויסגעבער איז זייער א ערליכע אינגערמאן,
סמיינט נישט אז איך האלט פארקערט
I just like playing devils advocate

אוועטאר
קלאָצקאָפּ
שר האלפיים
תגובות: 2562
זיך איינגעשריבען אום: דינסטאג יולי 25, 2017 9:24 pm

תגובהדורך קלאָצקאָפּ » דאנארשטאג יוני 06, 2019 1:13 pm

אלי' מקוה יוד האט געשריבן:איינס און א גוטס!
קריך נישט צו הויך, ווייל אויב דו וועסט חלילה פאלן וועט דיין קלאפ זיין פיל שטארקער!

מיין אבזערוואציע ווינקל

ישראל חיים
שר העשר
תגובות: 26
זיך איינגעשריבען אום: דאנארשטאג מאי 30, 2019 12:08 pm

תגובהדורך ישראל חיים » מיטוואך יוני 12, 2019 2:01 am

די פראבלעם שטעקט נישט אין הסכמות. דאס איז שוין א תוצאה. די פראבלעם איז אז היינט ווער עס עפענט א ביהמ"ד אדער א ישיבהל'ע אדער געט אפאר חתן שיעורים ווערט אטאמאטיש א פוסק אדער א רב, ווער רעדט נאך ווען ער מאכט א שיינע לאגא..... היינט איז געווארן א וועלט אז עס קען זיין דער פוסק הדור דער בעל שבט הלוי ז"ל אדער גדול הדור סקולענער רבי ז"ל זאל שרייבן עפעס, וועט נאכדעם קומען א מו"ץ'ל און שרייבן וואס ער וויל, און ס'איז שוין א מחלוקת, ס'איז דא א מחמיר און א מקיל און מ'קען זיך שוין פארלאזן אויפן מיקל. יעצט פארטייט זיך אז ווען די חברה טיילן הסכמות מיינט עס טאקע גארנישט.. אבער בדרך כלל ווען סקולענער רבי זצ"ל אדער בעל שבט הלוי אדער יעדע ערנסטער רב אדער רבי שרייבט א הסכמה מיינט עס נאך עפעס.

ישראל חיים
שר העשר
תגובות: 26
זיך איינגעשריבען אום: דאנארשטאג מאי 30, 2019 12:08 pm

תגובהדורך ישראל חיים » מיטוואך יוני 12, 2019 2:11 am

און אז מ'רעדט שוין, אפשר איז דא דאס פלאץ צו בארירן א געוויסע נקודה. ס'איז דא לעצטנס א געפערליכער ספחת א סיילענ"ט קילע"ר וואס הייסט "חתן מדריכים" היינט ארבעט עס אז דער חתן מדריך ווערט נאך די חתונה דער מורה דרך פונעם אינגערמאן רבותי ס'איז איום ונורא ווי טייל פון די חתן מדריכים געבן התירים אויף געוויסע זאכן... און זיי לערנען אויס השקפה וויאזוי די שטוב דארף זיך פירן, און ווען עס קומט החלטות לגבי אינטערנעט אדער פארשידענע אנדערע זאכן זענען זיי וואס פסק'נען! ניטאמאל א דעת תורה האט ער, ער האט זיך געלערנט אין די גוי'שע ביכער וויאזוי צו פירן א שטוב, פארשטייט זיך ער האט אויך געהערט פון ר' אביגדור מילער און ר' שמשון פינקוס, און ער קען אויך אפאר ווערטער פון רבי זתויגןעלינו אבער ער קומט מיט די גוי'שע מעטאדן וויזאוי צובויען א קשר וכו' און ווען דער אינגערמאן קומט צווי חדשים נאך די חתונה אז ער דארף קויפן א סמארטפאון זייער וויכטיג, אנשטאט אים זאגן אז ס'נישטא קיין היתר סתם פאר שוואוילטאג, איז גאר פארקערט ער שטופט אים דערצו און גיט אים עצות און ס'איז נאך א מעלה ווייל מ'קען האבן א עפפ מיט א קאלענדער וואס קען פארגריגערן וכו'... ה"י

אוועטאר
הלשון
שר שלשת אלפים
תגובות: 3115
זיך איינגעשריבען אום: מיטוואך יולי 27, 2011 5:48 pm

תגובהדורך הלשון » מיטוואך יוני 12, 2019 8:35 am

מיקא: דיינע אבזערוואציעס זענען בריליאנט! דיין שפראך איז גאלד!

ושמרתם ועשיתם כי הוא חכמתכם ובינתכם לעיני העמים.

נ.ב. ווען דו לאזט ווען אויס א שורה (מאכסט נאך א "ענטער") נאך יעדע פאראגאראף, וואלט זיך עס געליינט אסאך גרינגער און פליסיגער.
הלשון הוא קולמוס הלב, והניגון הוא קולמוס הנפש (בעל התניא מליאדי)

shalsheles
שר חמש מאות
תגובות: 607
זיך איינגעשריבען אום: מיטוואך יולי 22, 2009 9:52 pm

תגובהדורך shalsheles » מיטוואך יוני 12, 2019 12:06 pm

די שרייבעריי דערמאנט פון רבי משה יעקב קאננער ארטיקלען אין די אידישע ווארט..

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

תגובהדורך מיקא » מיטוואך יוני 12, 2019 8:10 pm

shalsheles האט געשריבן:די שרייבעריי דערמאנט פון רבי משה יעקב קאננער ארטיקלען אין די אידישע ווארט..

מיק''א - משה יעקב קאננער..
עה, איך בין נישט ער..

דערבארומדיג'ער
שר האלף
תגובות: 1904
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » פרייטאג יוני 21, 2019 1:57 am

הלשון האט געשריבן:
נ.ב. ווען דו לאזט ווען אויס א שורה (מאכסט נאך א "ענטער") נאך יעדע פאראגאראף, וואלט זיך עס געליינט אסאך גרינגער און פליסיגער.

גא''מ.
דאס איז נאר מיין צייטוויליגע אינטערשריפט.

ברוקלינער יונגערמאן
שר חמש מאות
תגובות: 945
זיך איינגעשריבען אום: זונטאג פאברואר 08, 2015 1:04 am

תגובהדורך ברוקלינער יונגערמאן » פרייטאג יוני 21, 2019 11:55 am

ישראל חיים האט געשריבן:און אז מ'רעדט שוין, אפשר איז דא דאס פלאץ צו בארירן א געוויסע נקודה. ס'איז דא לעצטנס א געפערליכער ספחת א סיילענ"ט קילע"ר וואס הייסט "חתן מדריכים" היינט ארבעט עס אז דער חתן מדריך ווערט נאך די חתונה דער מורה דרך פונעם אינגערמאן רבותי ס'איז איום ונורא ווי טייל פון די חתן מדריכים געבן התירים אויף געוויסע זאכן... און זיי לערנען אויס השקפה וויאזוי די שטוב דארף זיך פירן, און ווען עס קומט החלטות לגבי אינטערנעט אדער פארשידענע אנדערע זאכן זענען זיי וואס פסק'נען! ניטאמאל א דעת תורה האט ער, ער האט זיך געלערנט אין די גוי'שע ביכער וויאזוי צו פירן א שטוב, פארשטייט זיך ער האט אויך געהערט פון ר' אביגדור מילער און ר' שמשון פינקוס, און ער קען אויך אפאר ווערטער פון רבי זתויגןעלינו אבער ער קומט מיט די גוי'שע מעטאדן וויזאוי צובויען א קשר וכו' און ווען דער אינגערמאן קומט צווי חדשים נאך די חתונה אז ער דארף קויפן א סמארטפאון זייער וויכטיג, אנשטאט אים זאגן אז ס'נישטא קיין היתר סתם פאר שוואוילטאג, איז גאר פארקערט ער שטופט אים דערצו און גיט אים עצות און ס'איז נאך א מעלה ווייל מ'קען האבן א עפפ מיט א קאלענדער וואס קען פארגריגערן וכו'... ה"י

די פראבלעם איז אז זיי געבן התירים אדער די סמארטפאון?

ישראל חיים
שר העשר
תגובות: 26
זיך איינגעשריבען אום: דאנארשטאג מאי 30, 2019 12:08 pm

תגובהדורך ישראל חיים » פרייטאג יוני 21, 2019 5:14 pm

ברוקלינער יונגערמאן האט געשריבן:
ישראל חיים האט געשריבן:און אז מ'רעדט שוין, אפשר איז דא דאס פלאץ צו בארירן א געוויסע נקודה. ס'איז דא לעצטנס א געפערליכער ספחת א סיילענ"ט קילע"ר וואס הייסט "חתן מדריכים" היינט ארבעט עס אז דער חתן מדריך ווערט נאך די חתונה דער מורה דרך פונעם אינגערמאן רבותי ס'איז איום ונורא ווי טייל פון די חתן מדריכים געבן התירים אויף געוויסע זאכן... און זיי לערנען אויס השקפה וויאזוי די שטוב דארף זיך פירן, און ווען עס קומט החלטות לגבי אינטערנעט אדער פארשידענע אנדערע זאכן זענען זיי וואס פסק'נען! ניטאמאל א דעת תורה האט ער, ער האט זיך געלערנט אין די גוי'שע ביכער וויאזוי צו פירן א שטוב, פארשטייט זיך ער האט אויך געהערט פון ר' אביגדור מילער און ר' שמשון פינקוס, און ער קען אויך אפאר ווערטער פון רבי זתויגןעלינו אבער ער קומט מיט די גוי'שע מעטאדן וויזאוי צובויען א קשר וכו' און ווען דער אינגערמאן קומט צווי חדשים נאך די חתונה אז ער דארף קויפן א סמארטפאון זייער וויכטיג, אנשטאט אים זאגן אז ס'נישטא קיין היתר סתם פאר שוואוילטאג, איז גאר פארקערט ער שטופט אים דערצו און גיט אים עצות און ס'איז נאך א מעלה ווייל מ'קען האבן א עפפ מיט א קאלענדער וואס קען פארגריגערן וכו'... ה"י

די פראבלעם איז אז זיי געבן התירים אדער די סמארטפאון?

וואס פונקטליך פארשטייסטו נישט?

ברוקלינער יונגערמאן
שר חמש מאות
תגובות: 945
זיך איינגעשריבען אום: זונטאג פאברואר 08, 2015 1:04 am

תגובהדורך ברוקלינער יונגערמאן » זונטאג יוני 23, 2019 7:49 pm

ישראל חיים האט געשריבן:
ברוקלינער יונגערמאן האט געשריבן:
ישראל חיים האט געשריבן:און אז מ'רעדט שוין, אפשר איז דא דאס פלאץ צו בארירן א געוויסע נקודה. ס'איז דא לעצטנס א געפערליכער ספחת א סיילענ"ט קילע"ר וואס הייסט "חתן מדריכים" היינט ארבעט עס אז דער חתן מדריך ווערט נאך די חתונה דער מורה דרך פונעם אינגערמאן רבותי ס'איז איום ונורא ווי טייל פון די חתן מדריכים געבן התירים אויף געוויסע זאכן... און זיי לערנען אויס השקפה וויאזוי די שטוב דארף זיך פירן, און ווען עס קומט החלטות לגבי אינטערנעט אדער פארשידענע אנדערע זאכן זענען זיי וואס פסק'נען! ניטאמאל א דעת תורה האט ער, ער האט זיך געלערנט אין די גוי'שע ביכער וויאזוי צו פירן א שטוב, פארשטייט זיך ער האט אויך געהערט פון ר' אביגדור מילער און ר' שמשון פינקוס, און ער קען אויך אפאר ווערטער פון רבי זתויגןעלינו אבער ער קומט מיט די גוי'שע מעטאדן וויזאוי צובויען א קשר וכו' און ווען דער אינגערמאן קומט צווי חדשים נאך די חתונה אז ער דארף קויפן א סמארטפאון זייער וויכטיג, אנשטאט אים זאגן אז ס'נישטא קיין היתר סתם פאר שוואוילטאג, איז גאר פארקערט ער שטופט אים דערצו און גיט אים עצות און ס'איז נאך א מעלה ווייל מ'קען האבן א עפפ מיט א קאלענדער וואס קען פארגריגערן וכו'... ה"י

די פראבלעם איז אז זיי געבן התירים אדער די סמארטפאון?

וואס פונקטליך פארשטייסטו נישט?

פארוואס דו האסט אפגעמאכט אז ס'איז איום ונורא.

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

תגובהדורך מיקא » דאנארשטאג יולי 11, 2019 4:20 pm

= ער לאזט נישט נאך =

שוין נישט קיין יונגערמאן, און אוודאי נישט קיין יונג בחור'ל און דאך נישט קיין קליין קינד.. אבער ער קען זיך נישט האלטן דאס מויל, כאטש ער איז שוין היבש פרי אלט געווארן, ווען ס'איז נישט זיכער צו ער האט געכאפט א לייכטער סטראוק, צו איינפאך א פריצייטיגער פּאַרקינסאָן.
דער אייבירשטער זאל אפהיטן אלע יודען, און אויסהיילן אלע ווייען, אבער יענער 'שטרענגט זיך אן'.. און שלעפט זיך אפילו צו – מיט די לעצטע אטעם און כוחות, ווייל ער וויל מיר געבן א שטעך ווארט!
הישמע כזאת? איז דאס וואר? איך הער גוט, איך זע גוט?..
יא, ער מורמעלט ארויס א שטעך ווארט אין מיין וועזנהייט, הגם כ'האב בכלל נישט גערעדט צו עהם, און הגם כ'האב גארנישט שלעכט געזאגט.. אבער וויבאלד כ'האב עס געזאגט גענוג הויעך און ער האט עס געהערט, ''מוז'' ער – קוקט אויס פון געוואוינהייט – מיר צוטיילן א פארציע, פון זיינע שטעכיגע פערל רייד, אולי וויל ער צייגן אז עוד אבינו חי.. ער איז נאך דא מיט אונז, און ער האלט נישט ביים נאכלאזן.
מ'זאגט, אז ווי עס קינדעלט זיך, אזוי בחור'ט זיך, און אזוי טאטע'ט זיך, און אזוי זיידע'ט זיך..
אלץ קינד און בחור איז ער געווען א שטעכער, און אויך יעצט על ערש דוי, קען ער נישט פארמאכן דאס מיאוסע פיסק זיינע, און 'מיט די לעצטע טראפן בלוט' וועט ער געבן אנצוהערן די היינטיגע ראצערס [נאר ווייל זיי זענען יונגער פון עהם מיט קוים א צוואנציגער, זענען זיי יונגע ראצערס..] און אלע וועלן גוט וויסן, אז ער איז נאך אין די גלייזן.
א בושה און א אפשיי, פאר זיינע באגלייטער, וואס האלטן עהם אונטער, און ווילן וויסן וואס דער חולה מורמעלט מיט אזויפיל הפסקות. גארנישט, ער זאגט, אז משה זרח איז א שוטה, און יעקב געצל איז א פרעסער.. חיים פנחס שטונקט און יצחק דוד איז א גנב!
יוצא געווען, יעצט קען ער זיך שוין בארואיגן אין זיין שטול-ראד, און זיך צעלאכן אויף יענעמס ווייטאג, מיט א קרעכץ אויף זיין אייגענע מצב.
טאקע דאס זאגט דער הייליגער רבי שמעון בן לקיש; רשעים אפילו על פתחו של גיהנם אינם חוזרין בתשובה וכו', שפשעו לא נאמר, אלא הפושעים - שפושעים והולכין לעולם..

מיקא
שר מאה
תגובות: 121
זיך איינגעשריבען אום: זונטאג מארטש 18, 2018 10:04 pm

תגובהדורך מיקא » מיטוואך יולי 24, 2019 2:32 pm

א ביסל, וואס איז גאר אסאך..

ס'ממש אומגלויבלעך, וואס מ'קען אלץ אויפטון מיט'ן לערנען יעדן טאג 'כאטש א ביסל'. נישט קיין סאך! אבער דאך אסאך.. ווייל ווען איך פיר מיך ווי ערליכע חסידישע יודען, בעלי יראת שמים, צו מאכן א הכנה דרבא פאר'ן תפילה טאן פאר'ן בורא כל עולמים, און כדי צו האבן א גוף נקי מיט 'ריינע געדאנקן' כאפ איך ביי די האנט, נעבן די מקוה – דעם טעגליכן 'לוח הציבור' בלעטל, און יעזורו און ווינקל.. וכדו'.
וואס מ'לערנט זיך אלץ אן, אויף אזא שטייגער, ידיעות אין חז''ל, און כללים אין עבודת השם, יארצייטן פון צדיקים און זייער גרויסקייט.. יחוס אבות און היסטאריע, הלכות שבת ויו''ט, הלכות דרך ארץ וגמ''ח; ווער רעדט נאך פון ונשמרתם און אהבת הגר והבריות, און אלעס פון אביסעלע יעדן טאג.. ממש א ווארט דא, א הלכה און סיפור פון א צדיק דארט.
אלעס שטייט אויף דעם איינעם טעגליכע צעטל ביי די האנט.
ווי מ'זאגט, ווען כ'זאל נאר פארדעם אליינס גיין אין בית הכבוד – דיינו..
וואס א שארף ווארט דער קאצקער האט געזאגט א חסיד זיינעם, און ווי דער הייליגער אהבת ישראל האט נאכגעזאגט פונעם אריז''ל, און ווי ערליך דער צאנזער רב און דער חתם סופר האבן געלערנט זייערע תלמידים.. ממש יסודות אינעם יודישער לעבן!
און אז כ'בין נאך מקיים דעם שונה הלכות בכל יום 'ממש', נאך מער ווי וואס ס'שטייט אין חק לישראל, אסאך מער!!
דער אלטער תולדות אהרן'ער רבי – ברענגט ער דארט – פלעגט זאגן.. וואס די קורצע סיפורי צדיקים טוען אלץ אויף פאר'ן נשמה.. לכאורה אסאך מער בשעת'ן עוסק זיין אין נקיות; וואספארא לימוד זכות דער הייליגער בארדיטשובער רב האט געזאגט, פאר יענער וואס האט.. א רגע! מ'קלאפט שוין אויפ'ן הויפט דלת פונעם בית כבוד, נאך יודען לעכצן צו לערנען א יודיש ווארט..
די ברייטע ידיעה אין כשרות! וואס מיינט ציצית כהלכתה און תפילין למהדרין – לויט אלע שיטות הקדושות והטהורות.. די הימל'שרייענדע סגולות פונעם 'הייליגן' רש''ש און למעלה בקודש.. א לעקציע אין איש את רעהו יעזורו, אוודאי, דרך ארץ קדמה לתורה שיעור.
כתב אשורית.. אוודאי אזוי, נאר דאס איז כשר, ספעציעל ווען ס'איז א בר מצרא מיט'ן כשר'ע סעלפאן.. ווי אלע רבנים גאונים, בשם צדיקים וקדמונים, ווי ס'ווערט געברענגט אין ראשונים – מיט'ן לשון – עד כאן לשונו הזהב, ושפתיים ישק.
ספעציעל האב איך הנאה פון די שמירת הלשון, וויאזוי די קליינע הערות אין די זייט, ווי היימישע יודישע לימודים בלשון נכרי.. ווערט געשריבן מיט א ריינע שפראך, נישט צו ניצן א פראסטע שפראך אין אזא מקום קדוש.
אויך די כוללי חצות ועלות וואס גייען אן ממש ווי ס'שטייט אין הייליגן זוהר הקדוש [מ'קען פארגעסן ווער ס'האט געמאכט דעם זוהר.. איז באלד צוגעצייכענט;] פונעם הייליגן ר' שמעון.. וואס איז משפיע פון גן עדן של מעלה, און א זאפטיגן חיזוק ווארט בקודש; כדאי ר''ש לסמוך עליו בשעת הדחק..
אלץ שטייט די גענויע סוף זמן קר''ש ותפילה, אז מ'זאל חלילה נישט זיין קיין מאריך בתפילתו.. און פארפאסן, אויך די עמוד יומי סיי פון בבלי סיי ירושלמי.. ומצוה גוררת מצוה, ווערט אלץ דערמאנט די צדיק יסוד עולם וואס הושיבו ישיבה על קברו – ווי ס'שטייט בזה הלשון אין חז''ל.. ווערט דער צדיק דא גערופן מיט א מליצה פונעם פיוט אין סליחות..
געוואלדיג ווי פאסיג, שטייט דא א בילד פונעם הייליגן ר' ישעי'לע דער פועל ישועות בקרב הארץ – אויך א פסוק.. אז ס'איז ארויסגעקומען א סגולה בזכותו הקדושה, און ווידער שטייט דייטליך א בילד פונעם גאנצן סעט אור החיים הקדוש.. מ'זעט קלאר אז די דרוק איז א שיינע.. און ס'וועט זיך גרינג לערנען אויפ'ן פרשה, און מ'קען שוין יעצט אויספראבירן..
אונטערשטע שורה! א שיינער תלמיד חכם בין איך געווארן, מיט טויזענטע ידיעות אין אלע מקצועות התורה ועולם החסידות, וקורות עם ישראל, בלויז פאר'ן וועלן זיך מכין זיין צום דאווענען - בגוף נקי. טאקע דארט האב איך געזען דעם הייליגן ווארט פונעם הייליגן פארשיסכער – זיין זכות זאל מגין זיין – אז פאר משיח וועט מען בלויז דארפן זיך אראפבייגן און כאפן מצוות..
- דאס טוה איך ווען כ'יאג נישט נאך מיטצונעמען א צעטל נעבן די מקוה, בייג איך מיר, און אויפ'ן ערד פונעם בית הכבוד איז דא גענוג פון זיי.. זאלן אלע געהאלפן ווערן בזכות זה – שרייבן זיי..

אוועטאר
טעם וריח
שר חמש מאות
תגובות: 937
זיך איינגעשריבען אום: מאנטאג יוני 19, 2017 7:33 pm

תגובהדורך טעם וריח » מיטוואך יולי 24, 2019 5:04 pm

מיקא האט געשריבן:א ביסל, וואס איז גאר אסאך..

אונטערשטע שורה! א שיינער תלמיד חכם בין איך געווארן, מיט טויזענטע ידיעות אין אלע מקצועות התורה ועולם החסידות, וקורות עם ישראל, בלויז פאר'ן וועלן זיך מכין זיין צום דאווענען - בגוף נקי. טאקע דארט האב איך געזען דעם הייליגן ווארט פונעם הייליגן פארשיסכער – זיין זכות זאל מגין זיין – אז פאר משיח וועט מען בלויז דארפן זיך אראפבייגן און כאפן מצוות..
- דאס טוה איך ווען כ'יאג נישט נאך מיטצונעמען א צעטל נעבן די מקוה, בייג איך מיר, און אויפ'ן ערד פונעם בית הכבוד איז דא גענוג פון זיי.. זאלן אלע געהאלפן ווערן בזכות זה – שרייבן זיי..

וואס איז נייעס! מיקא פארוואס האט איר זיך צעלאזט אזוי היינט?

אוועטאר
חאדאראם
שר חמישים
תגובות: 89
זיך איינגעשריבען אום: דאנארשטאג אפריל 11, 2019 4:07 pm

תגובהדורך חאדאראם » מיטוואך יולי 24, 2019 5:32 pm

טעם וריח האט געשריבן:
מיקא האט געשריבן:א ביסל, וואס איז גאר אסאך..

אונטערשטע שורה! א שיינער תלמיד חכם בין איך געווארן, מיט טויזענטע ידיעות אין אלע מקצועות התורה ועולם החסידות, וקורות עם ישראל, בלויז פאר'ן וועלן זיך מכין זיין צום דאווענען - בגוף נקי. טאקע דארט האב איך געזען דעם הייליגן ווארט פונעם הייליגן פארשיסכער – זיין זכות זאל מגין זיין – אז פאר משיח וועט מען בלויז דארפן זיך אראפבייגן און כאפן מצוות..
- דאס טוה איך ווען כ'יאג נישט נאך מיטצונעמען א צעטל נעבן די מקוה, בייג איך מיר, און אויפ'ן ערד פונעם בית הכבוד איז דא גענוג פון זיי.. זאלן אלע געהאלפן ווערן בזכות זה – שרייבן זיי..

וואס איז נייעס! מיקא פארוואס האט איר זיך צעלאזט אזוי היינט?

ער זאגטאך אמת!
מ'קען אזוי דורכגיין פארשידענע חלקים אין טאג, וגם לרבות שבתות וימים טובים....
ס'איז נאר מיין אפיניען, ס'איז נישט איך.


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 10 געסט